जळगाव ः जळगाव शहर महापालिकेने दैनंदिन कचरा संकलन व स्वच्छतेचा मक्ता नाशिक येथील वॉटर ग्रेस कंपनीला दिला. मात्र पाच महिन्यातच मक्तेदाराच्या कचरा संकलन, स्वच्छता तसेच सफाई कर्मचाऱ्यांना वेतन वेळेत व किमान वेतन नुसार मिळत नसल्याने अनेकदा आंदोलन झाले. त्यात आज वॉटर ग्रेस कंपनीच्या कचरा संकलन करणारे घंटागाड्या तसेच स्किप लोडर आदी कचरा संकलनावरील वाहनावरील चालकांनी महापालिकेवर आज थेट वाहने आणून धडक मोर्चाच काढला. त्यात सफाई कर्मचाऱ्यांचा महापालिकेत आलेल्या आयोगाकडे आपल्या गऱ्हाणे मांडत निवेदन दिले.
जळगाव महापालिकेने पाच वर्षासाठी नाशिकच्या वॉटर ग्रेस कंपनीला 75 कोटीचा स्वच्छतेचा मक्ता दिला. 16 ऑगस्ट महिन्यात सुरू झाला पाच महिन्यात मक्तेदाराच्या कामावर अनेक प्रश्न चिन्ह निर्माण होत कामगारांच्या वेतना दोन ते तिन महिने न देणे. दिवाळीत वेतन दिले ते अर्धे, त्यानंतर किमान वेतनानुसार वेतन मिळत नसल्याने अनेकदा घंटागाड्यावरील कर्मचाऱ्यांनी काम बंद आंदोलन केले. तर एका चालकाने अंगावर पेंट्रोल ओतून आत्मदहन करण्याचा प्रयत्न केला होता. त्यात वारंवार मक्तेदारांकडील चारशे कर्मचाऱ्यांना किमान वेतनानूसार पगार दिले गेलेले नाही. तसेच कामावर रुजू करण्याचे करार अद्याप कंपनीने केलेला नाही. तसेच कर्मचाऱ्यांना ओळखपत्र, ईएसआसी, पीएफची
रक्कम आदी कोणत्या ही सुविधा केलेली नाही. याबाबत आज थेट मक्तेदाराचे घंटागाड्यावरील चालकांनी वाहने घेत महापालिकेवर धडक मारली. तसेच महापालिकेत सफाई कर्मचाऱ्यांचा आलेल्या आयोगाकडे
निवदन देत मक्तेदाराबाबत तक्रार केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.