शिरपूर (जि. धुळे) : येथील खानदेश पर्यावरण संरक्षण मंडळातर्फे शहरातील अनाथ व गतिमंद मुलांच्या बालगृहात मंगळवारी (ता. ७) धुळवड साजरी करण्यात आली. (Khandesh Environment Boards celebrate dhulivandan with mentally challenged students dhule news)

कर्मवीर प्रतिष्ठानचे अध्यक्ष हर्षवर्धन रंधे अध्यक्षस्थानी होते. मंडळातर्फे दर वर्षी अनाथ व गतिमंद बालकांसोबत धुळवड खेळण्याचा उपक्रम जोपासण्यात येत आहे. विद्यार्थ्यांना नैसर्गिक रंगाचे वितरण करण्यात आले. संगीताच्या तालावर ठेका धरून विद्यार्थ्यांनी धुळवडीचा आनंद लुटला.

हेही वाचा : तुमच्याकडं कागदी स्वरुपातले शेअर आहेत? मग हे वाचाच....

मंडळाचे संस्थापक अध्यक्ष हेमंत शेटे, कार्याध्यक्ष जितेंद्र शेटे, उपाध्यक्ष सतीश मिस्तरी, सचिव मयूर बोरसे, साई पालखी समितीचे अध्यक्ष राकेश मराठे, हेमंत शिरसाठ, सुदर्शन गोसावी, भरत भोई, नीलेश सोनार, महेश सोनवणे, डिगंबर बोरसे, दर्पण शहा, महेश पवार, युवराज शिरसाठ, राहुल पवार आदी उपस्थित होते.

बालगृहाचे मुख्याध्यापक डी. एम. पाटील, योगेश दाभाडे, काळजीवाहक अरुण बाविस्कर, किशोर पाटील, राहुल गुजर, प्रीतेश भामरे, विकेश चौधरी, धनंजय महाजन यांनी संयोजन केले.