police arrested police arrested
उत्तर महाराष्ट्र

महिला तलाठीस मारहाण; तिघांना अटक

महिला तलाठीस मारहाण; तिघांना अटक

सकाळ डिजिटल टीम

नंदुरबार : गौण खनिज तपासणी पथकाशी वाद घालून महिला तलाठ्यास मारहाण (Leady officer hitting case) केल्याप्रकरणी तिघा संशयितांना रात्री उशिरा अटक (Nandurbar police) करण्यात आली. यामुळे तलाठी संघाकडून बेमुदत कामबंद आंदोलन स्थगित करण्यात आले. सोमवार (ता. ७)पासून कामकाज सुरळीत होण्याची शक्यता आहे. (nandurbar-leady-officer-hitting-palika-member-case-police-arested-three-porson_

शनिवारी सकाळी सव्वानऊच्या सुमारास अवैध वाळू वाहतूक रोखण्यासाठी नंदुरबार तहसील कार्यालयाकडून नियुक्त केलेले गौण खनिज तपासणी पथक वाळू वाहतूक करणाऱ्या वाहनांची तपासणी करीत होते. वाहनातील (एमएच ३९, एडी ०९६६) चालकास वाळू वाहतुकीबाबत दहा टक्के खनिज विकास निधीबाबत विचारणा केली असता, त्याच्याकडे पास आढळून आले नाही. यामुळे पथकातील कर्मचाऱ्यांनी वाहन तहसील कार्यालयात नेण्यास सांगितले. मात्र, चालक वाहन तेथेच सोडून पसार झाला. दरम्यान, दीड तासानंतर मालक गौरव चौधरी, चालक व काही जणांनी येऊन पथकातील कर्मचाऱ्यांशी वाद घालून वाहन पळवून नेण्याचा प्रयत्न केला. पथकातील कर्मचाऱ्यांनी वाहनाचा पाठलाग करून मिरची पथारीजवळ वाहन अडविले. गौरव चौधरी व तलाठी निशा पावरा यांच्यात या वेळी वाद झाला. नगरसेवक गौरव चौधरी यांनी तलाठी निशा पावरा यांना शिवीगाळ करून मारहाण केली. सरकारी कामात अडथळा आणल्याचा आरोप श्रीमती पावरा यांनी केला. या प्रकरणी नंदुरबार शहर पोलिसांत अनुसूचित जाती-जमाती कायद्याचा भंग, विनयभंग तसेच सरकारी नोकरावर हल्ला आदी कलमांन्वये गुन्हा दाखल झाला.

तलाठी संघाचे कामबंद

या प्रकरणातील तिघा संशयितांना अटक करावी, अशी मागणी आदिवासी संघटनांनी केली होती. तसेच नंदुरबार तालुका तलाठी संघाकडून तिघांना अटक होईपर्यंत कामबंदचा निर्णय घेतला. याबाबत तहसीलदारांना निवेदन दिले होते. त्यानुसार पोलिसांनी तत्काळ कारवाई करीत संशयित गौरव चौधरी, काशीनाथ गुरव व शुभम जाधव यांना अटक केली.

अटकेनंतर आंदोलन मागे

कोणीही कायदा व सुव्यवस्थेचा भंग होईल, असे वर्तन करू नये. तसेच सद्यःस्थितीत कोरोना प्रादुर्भावाच्या पार्श्वभूमीवर जिल्हाधिकाऱ्यांकडून मनाई आदेश तसेच जमावबंदीचे आदेश लागू असल्याने नियमांचे पालन करावे, असे आवाहन पोलिस उपअधीक्षक सचिन हिरे यांनी केले. दरम्यान, तिघा संशयितांना अटक करण्यात आल्याने तलाठी संघाकडून बेमुदत कामबंद आंदोलन स्थगित करण्यात येणार आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

भाजप आमदार सपम सिंह यांचे निधन; वयाच्या ६७व्या वर्षी घेतला अखेरचा श्वास

Nene Sardar Wada Mavlange Village History : जमिनीखाली लपलेला गुप्त चोरकप्पा अन् गडकिल्ल्यासारखी तटबंदी; रत्नागिरीतील 250 वर्षे जुन्या 'नेने सरदार वाड्या'चे अद्भुत रहस्य

ऐश्वर्याला सलमानपासून वाचवायचं होतं... मराठमोळ्या बॉडीगार्डचा खुलासा, म्हणाला- सात दिवसात नोकरी सोडली कारण...

Latest Marathi News Live Update : पंतप्रधान नरेंद्र मोदींच्या हस्ते बिहारमधील वैशाली जिल्ह्यात नितीश सेतूचे उद्घाटन; राज्यपाल, केंद्रीय मंत्री आणि मुख्यमंत्री सम्राट चौधरी यांची उपस्थिती

Gold Silver Rate Jalgaon: सुवर्णनगरी जळगावमध्ये सोनं-चांदीचे भाव कोसळले! राज्यातील सर्वात स्वस्त दरात सोनं; १ तोळा कितीला?

SCROLL FOR NEXT