भडगाव : मुंबईहून चालत येणारा बिहार येथील मजूर हा कोठली फाट्याजवळ एका शेतात झाडाखाली दोन दिवसापासून भुकेने व्याकुळतेने पडलेला होता. कोरोनाच्या भीतीने त्याच्याजवळ कोणी जायला तयार नव्हते. जेव्हा या मजुराबद्दल भडगाव पोलिस स्टेशनचे पोलिस निरीक्षक धनंजय येरूळे व पोलिस कर्मचारी लक्ष्मण पाटील यांना समजताच त्यांनी "त्या' मजुराला दवाखान्यात दाखल केले. ग्रामीण रुग्णालयाच्या वैद्यकीय अधिकाऱ्यांनी तत्काळ त्याच्यावर उपचार सुरू केले. खाकीच्या या माणुसकीने भडगावकर भारावल्याचे पहायला मिळाले.
लॉकडाउनमुळे परप्रांतीय मजुराचे जथ्थेच्या जथ्थे पायी गावी निघाल्याचे चित्र रस्त्यावर दिसते. काही मजुरांना अन्न मिळणे ही अवघड झाले आहे. पण आपल्या गावी पोहचायचे आहे, म्हणून जो तो चालत निघाला आहे. अशातच काल बिहार येथील एक वयस्कर मजूर हा मुंबईहून बिहारला जाण्यासाठी पायी निघाला होता. तो दोन दिवसापूर्वी कोठली फाट्याजवळ एका शेतात झाडाखाली विश्रांती घेण्यासाठी थांबला. मात्र त्याच्या पोटात अन्नच नसल्याने तो तिथेच पडून राहिला. ही बाब शेतकऱ्यांना समजल्यावर त्यांनी भडगाव पोलिस स्टेशनचे निरीक्षक धनंजय येरूळे यांना सांगितली. त्यांनी तत्काळ पोलिस कर्मचारी लक्ष्मण पाटील, संभाजी पाटील यांना सोबत घेत शेतकऱ्याच्या मदतीने भडगाव येथील कोविड केअर सेंटरला दाखल केले. येथील वैद्यकीय अधिकाऱ्यांनी तत्काळ त्याच्यावर उपचार सुरू केले. पोलिसांच्या या कामगिरीचे सर्वत्र कौतुक केले जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.