धुळे ः वृक्षसंवर्धनासाठी महापालिकेने वर्ष-दीड वर्षापूर्वी खरेदी केलेले ट्री-गार्ड थर्ड पार्टी इन्स्पेक्शनमध्ये फेल झाल्याने अर्थात वजनात तफावत स्पष्ट झाल्याने अखेर संबंधित कंत्राटदारावर ट्री-गार्ड परत नेण्याची वेळ आली. या सर्व व्यवहारात नेमकी चूक कुणाची, हा प्रश्न कायम आहे. तब्बल २३ लाख रुपयांतून ट्री-गार्ड खरेदी होणार होते.
आवश्य वाचा- २० लाखांचा गांजा जप्त; लागवड झालेल्या जमिनी घेणार ताब्यात
शासनाच्या वृक्षलागवड कार्यक्रमानिमित्त शहरात महापालिकेकडून वृक्षलागवड झाली. त्यानंतर लागवड केलेल्या रोपांचे संरक्षण, संवर्धनासाठी महापालिकेने ट्री-गार्ड खरेदीचा निर्णय घेतला. त्यासाठी महापालिकेच्या बांधकाम विभागाने ३ सप्टेंबर २०१९ ला ट्री-गार्ड खरेदीसाठी निविदा काढली. एकूण २२ लाख ८६ हजार ९०० रुपयांची ही निविदा होती. यातून चार हजार ट्री-गार्ड खरेदी करणे अपेक्षित होते. निविदा प्रक्रियेअंती कंत्राटदाराने त्यातील साधारण १,२०० ट्री-गार्ड महापालिकेत आणून टाकले. मात्र, वृक्षलागवडीचा हंगाम गेल्यानंतरही ट्री-गार्ड महापालिकेतून हलत नव्हते. याबाबत नगरसेवकांनीही अधिकाऱ्यांकडे विचारणा केली. वृक्ष प्राधिकरण सभेतही याबाबत विचारणा झाली. मात्र, काहीही हालचाल होत नव्हती.
वजनात मोठी तफावत
ट्री-गार्डप्रश्नी अखेर आयुक्त शेख यांनी थर्ड पार्टी इन्स्पेक्शनचा निर्णय घेतला. त्यानुसार तपासणी झाली. त्यात महापालिकेत टाकून ठेवलेले ट्री-गार्ड निविदेतील स्पेसिफिकेशननुसार नसल्याचे समोर आले. निविदेनुसार ट्री-गार्ड नऊ किलोचे असायला हवे होते. प्रत्यक्षात ते फक्त सव्वादोन- अडीच किलोचेच होते. त्यामुळे ते परत करण्याचा निर्णय प्रशासनाला घ्यावा लागला.
कंत्राटदाराने ट्री-गार्ड उचलले
ट्री-गार्ड परत करण्याच्या फाइलवर स्वाक्षरी झाल्यानंतरही काही महिने संबंधित ट्री-गार्ड महापालिकेतच पडून होते. मात्र, गुरुवार (ता. २६)पासून कंत्राटदाराने ते उचलून नेण्यास सुरवात केली. यानिमित्त महापालिकेतील कारभारावर पुन्हा प्रश्नचिन्ह उभे राहिले. ट्री-गार्ड खरेदीतील खाचाखोचा समोर आल्या नसत्या, तर आहेत त्या स्थितीतच ट्री-गार्ड घेतले गेले असते व काही महिन्यांनंतर हे प्रकरणच रफादफा झाले असते. या ट्री-गार्डमुळे किती रोपे वाचली असती माहिती नाही, पण तब्बल २२ लाख ८६ हजार रुपये खर्चातून नेमके काय साध्य झाले असते, कुणाचे हित साधले असते, हा प्रश्नच आहे
संपादन- भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.