जळगावः जळगाव, नाशिक, मालेगावसह राज्यात कोरोना' रुग्णांचे स्वॅबचे रिपोर्ट येण्यास तीन ते सात दिवसांचा वेळ लागतो. यामुळेच रुग्ण पॉझिटिव्ह आहे की निगेव्टीह हे समजत नाही. स्वॅब घेतलेले सर्वत्र फिरतात. जेव्हा रिपोर्ट पॉझिटिव्ह येतो तेव्हा त्याला क्वारंटाईन केले जाते. तोपर्यंत तो अनेकांना बाधित करून सोडतो. रिपोर्ट उशिरा येण्यामुळेच जळगावसह राज्यात कोरोना बाधितांची संख्या दिवसेंदिवस वाढत असल्याचा आरोप माजीमंत्री गिरीश महाजन यांनी आज पत्रकार परिषदेत केला. 

नक्की वाचा :  भुसावळात ट्रामा केअर सेंटरला सुरुवात...पालकमंत्र्यानी केले  उद्‌घाटन
 

जिल्हाधिकाऱ्यांना विविध मागण्यांचे निवेदन दिल्यानंतर ते पत्रकारांशी बोलत होते. खासदार रक्षा खडसे, जिल्हा परिषदेच्या अध्यक्षा रंजना पाटील, उपाध्यक्ष लालचंद पाटील, महापौर भारती सोनवणे, भाजपचे जिल्हाध्यक्ष हरिभाऊ जावळे, आमदार सुरेश भोळे, महानगराध्यक्ष सुनील सूर्यवंशी, माजी आमदार डॉ.गुरुमुख जगवानी, स्मिता वाघ, नगरसेवक कैलास सोनवणे आदी उपस्थित होते. 

क्‍लिक कराः जोशीपेठमध्ये मनपा अतिक्रमण पथकावर दगड फेक ः एक जण जखमी 

श्री.महाजन म्हणाले, की जिल्ह्यात कोरोना बाधित रुग्ण मृत झाल्यानंतर त्यांच्या अंत्ययात्रेस असंख्य नागरिक उपस्थित राहतात. यामुळेही रुग्ण संख्या वाढत आहे. रुग्ण मृत झाल्यानंतर मोजक्‍या नातेवाईकांसमवेतच अंत्यसंस्कार करण्याची सक्ती प्रशासनाने करायला हवी. 
शासनाला, जिल्हा प्रशासनाला आम्ही सांगतो कोरोनो रिपोर्ट देणाऱ्या प्रयोगशाळा वाढवा, खाजगी ठिकाणी परवानगी द्या. जेणे करून लवकर अहवाल येवून रुग्णांवर तातडीने उपचार करणे शक्‍य होतील. मात्र त्याकडे दुर्लक्ष केले जात आहे. 

आर्वजून पहा : निराधार वृध्दाला मुस्लीम कुटूंबियाने दिली माती ;माणूसकीचे घडले दर्शन 
 

शेतकऱ्यांची थट्टा 
राज्यातील शेतकऱ्यांना वाऱ्यावर सोडले गेले आहे. कोरोना' निमित्त करून शेतकऱ्यांच्या मालाला हमीभाव दिला जात नाही. शेतकऱ्यांची थट्‌टा शासनाने चालविली आहे. शासनाला चार वेळा पत्र पाठविले एकाही पत्राचे उत्तर शासनाने दिलेले नाही. जिल्हा रुग्णालय वाऱ्यावर आहे. "डीन'ची बदली केलीच कशी जोपर्यंत दुसरा डीन रुजू होत नाही तोपर्यंत. रुग्णांच्या जिवाशी खेळ चालविला आहे शासनाने.