जळगाव : शहरातील रामेश्वर कॉलनीत नागसेन नगर परिसरातील वृद्ध दांपत्य बाहेरगावी गेले असता, त्यांचे बंद घरात चोरीच्या उद्देशाने पार्टिशनच्या फळ्याकाढून चोरटे घरात शिरले काही मिळून न आल्याने चोरट्यांनीच आग लावल्याचा संशय व्यक्त होत आहे. एमआयडीसी पोलिसात या प्रकरणी आकस्मिक आगीची नोंद करण्यात आली आहे.
रेल्वे आर्मफोर्स मधून सेवानिवृत्त रतन रामू सुरवाडे, पत्नी कमलबाईसह रामेश्वर कॉलनीतील नागसेन नगरात वास्तव्यास आहेत. पती-पत्नी काल मूळ गावाकडे गेले होते. घर बंद असताना चोरट्यांनी चोरीच्या उद्देशाने पार्टिशनच्या फळ्याकाढून घरात प्रवेश केला. आत काहीही मिळून न आल्याने चोरट्यांनी आग लागून पोबारा केला. सकाळी आठला संपूर्ण घर आगीच्या भक्ष्यस्थानी सापडल्यावर शेजाऱ्यांना घटना कळताच त्यांनी मदतीला धाव घेतली. शक्य त्या पद्धतीने पाण्याचा मारा करण्यात आला. अग्नीबंब बोलावण्यात आले होते. अर्ध्यातासात घरातील आग अटोक्यात आली. मात्र, तो पर्यंत घरातील अन्नधान्यासह, बिछाना व संसारोपयोगी साहित्य जळून खाक झाले आहे. रतन सुरवाडे यांनी दिलेल्या माहितीवरून एमआयडीसी पोलिसात आकस्मिक मृत्यूची नोंद करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.