तळोदा : तळोदा तालुक्यात दुपारी ४.४५ वाजता भूकंपाचा (Earthquake) सौम्य धक्का बसला. रिश्टर स्केलवर (Richter scale) धक्क्यांची तीव्रता ३.२ भूकंपमापक केंद्र सावळदा (Seismic center Savalda) येथे नोंद करण्यात आली आहे. भूकंपाचा केंद्रबिंदू सरदार सरोवर (Sardar Sarovar) पासून ५६ किलोमीटरवर असल्याचे भूकंपमापन केंद्र गांधीनगर (Earthquake Measurement Center Gandhinagar) यांनी नोंद केली आहे.

आज झालेल्या भुकंपामुळे तळोदा तालुक्यात एकच खळबळ उडाली असून नागरिकांनी घबराटीचे वातावरण निर्माण झाले होते. नागरिकांनी एकमेकांना फोन करून भूकंपाची माहिती घेतली तसेच सोशल मीडियावर माहिती व्हायरल होत होती.

भुकंपाचा केंद्रबिंदू पुथ्वीच्या पोटात

भूकंपाचा परिसर २१.७९८ अक्षांश व ७४.२७५ रेखांश होता तसेच भूकंपाचा केंद्रबिंदू पृथ्वीच्या पोटात १३.५ किलोमीटर अंतरावर होता. दरम्यान तळोदा तालुक्यात तळोदा शहर, प्रतापपूर परिसरात नागरिकांना भूकंपाचे धक्के जाणवल्याचे व्हायरल होत होते.

भूकंपाची तीव्रता ३.२

केंद्र सावळदा येथील रिश्टर स्केलवर भुकंपाची तिव्रता ३,२ नोंदविण्यात आली. तसेच एकमेकांना फोन करून भूकंपा बाबत विचारणा केली जात होती. घरात असलेल्या अनेक गृहिणी व नागरिकांनी भूकंपामुळे हालचाल जाणवल्याचे सांगितले. दरम्यान या भूकंपामुळे तालुक्यात एकच खळबळ उडाली असुन भीतीसह कुतूहल निर्माण झाले आहे.