शहादा : दोंडवाडा (ता. पानसेमल) येथील जिल्हा परिषदेच्या (Zilla Parishad) प्राथमिक शाळेचे शिक्षक (Elementary school teacher) भारतसिंह वाघ (राजपूत) यांनी कोरोना (corona) प्रतिबंधक लस जनजागृतीसाठी (Vaccinaion Awareness) स्वतःचे वाहन सजवले असून, या संदेश रथाचे प्रांताधिकारी सुमेरसिंग मुजाल्दा यांनी हिरवा झेंडा दाखवत जनजागृती कार्यक्रमाचे उद्‌घाटन केले.(zilla parishad techer vaccinaion awareness)

पानसेमल पालिकेचे मुख्याधिकारी शिवजी आर्य, तालुका वैद्यकीय अधिकारी डॉ. अरविंद किराडे, तालुका शिक्षणाधिकारी द्वारिका आर्य, गटशिक्षणाधिकारी संतोष पवार, शिक्षिका रश्मी शुक्ला, शीतल भिलावे, सुनीता पटेल, शिक्षक संजय पवार आदी उपस्थित होते.

गावागावात जनजागृती

दोंडवाडा शाळेतील शिक्षक भारतसिंह वाघ (राजपूत) यांनी स्वखर्चाने व निःस्वार्थ सेवाभावाने लसीकरण जनजागृतीसाठी संदेश रथाद्वारे प्रत्‍येक गावात व गावातील प्रत्येक घरात प्रचाराचे नियोजन करून नागरिकांना लसीकरणासाठी प्रेरित करत आहेत. तसेच, कोरोनाचा प्रसार रोखण्यासाठी कोणत्या प्रकारची काळजी घ्यावी, कोणते नियम पाळावेत यांची माहिती या संदेश रथाद्वारे देत आहेत. कोविड-१९ आजाराबाबतची माहिती देताना नागरिकांना मास्‍कचे वितरणही करण्‍यात येत आहे.

विशेषतः मास्‍क योग्यरीत्या लावणे, हातांची नियमितपणे स्‍वच्‍छता राखणे, एकमेकांपासून सुरक्षित अंतर राखणे या त्रिसूत्रीचे पालन अत्‍यावश्‍यक आहे. अशा सूचना ध्वनिक्षेपणावरून दिल्या जात आहेत. संदेश रथ ज्या-ज्या गावांमध्ये गेला त्या-त्या ठिकाणी कोरोना प्रतिबंधात्मक लसीकरणाचे प्रमाण वाढले आहे.
- भारतसिंह वाघ, जि. प. शिक्षक, दोंडवाडा