नंदुरबार : नंदुरबार जिल्हा परिषदेच्या शेवटपर्यंत उत्कंठापूर्ण राहिलेल्या अध्यक्षपदाच्या निवडणुकीत भाजपने अचानक माघार घेत अध्यक्षपदासाठी कॉग्रेस-शिवसेनेच्या सीमा पद्माकर वळवी यांना समर्थन दिले. यामुळे अध्यक्षपदी सीमा वळवी सहज निवडून आल्या. उपाध्यक्षपदासाठी शिवसेनेचे राम रघुवंशी निवडून आले.
नंदुरबार जिल्हा परिषदेच्या अध्यक्ष, उपाध्यक्ष पदाची निवड प्रक्रिया आज झाली. अध्यक्ष निवड प्रक्रियेत भाजपकडून देखील दावा करण्यात आला होता. परंतु ऐनवेळी माघारी घेत तटस्थ राहण्याची भुमिका घेतली. सभागृहात अध्यक्ष निवडीसाठी झालेल्या मतदानावेळी भाजप आश्चर्यकाराकरित्या तटस्थ राहिली. राम रघुवंशी यांना तीस मते पडली. या प्रक्रियेत हात उंचावून मतदान घेण्यात आले. अध्यक्षपदाची निवड बिनविरोध करावी अशी मागणीही भाजपने केली; मात्र भाजपने वेळेत माघार न घेतल्याने नियमानुसार प्रक्रिया झाली.
शिवसेनेच्या हाती चाबी
जिल्हा परिषदेच्या स्थापनेनंतर यंदाच्या निवडणुकीत यंदा प्रथमच कोणत्याही एका पक्षाला बहुमत मिळाले नव्हते. कॉंग्रेसला 23, भाजपला 23 आणि शिवसेनेला 7, राष्टवादीला तीन जागा मिळाल्या, त्यामुळे सत्तेच्या चावी शिवसेनेकडे आली होती. निवडणुकीनंतर शिवसेनेसह कॉंग्रेसच्या कार्यकर्त्यांनी जल्लोष केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.