अंबासन : ट्रकची बनावट नंबर प्लेट आणि कागदपत्रे देत चोरट्यांनी चक्क नाफेडलाच गंडा घातला आहे. नाफेडने खरेदी केलेला सरकारी कांद्याच्या साडेबारा लाखांच्या 500 गोण्या कांद्याची परस्पर विल्हेवाट लावली. या प्रकरणी जायखेडा पोलिसांनी चार परप्रांतीय संशयितांना अटक केली असून, अन्य दोन संशयितांचा पोलिस शोध घेत आहेत. 

आणि विश्वास संपादन केला

संशयित तसलीम शेर मोहम्मद (वय 21, रा. मेहुली, ता.जि. नुह, हरियाना) याने साथीदारांसह कांदा चोरीचा कट रचला. त्यामध्ये इमरान शेर मोहम्मद (33, रा. मेहुली, ता.जि. नुह) यांच्या मालकीचा ट्रक (आरजे 14, जीएच 9908)ची कागदपत्रे व नंबर प्लेट ट्रक (आरजे 14 जीके 8790)ला लावून कंपनीचा विश्‍वास संपादन केला.

कांदा भरून थेट दिल्लीला

या ट्रकमध्ये पाचशे गोण्या 24 हजार 325 किलो वजनाचा 12 लाख 50 हजार रुपयांचा नाफेडचा सरकारी कांदा भरून दिल्ली येथे रवाना करण्यात आला होता. इमरान शेर मोहम्मद याने वाहतुकीदरम्यान संतोषसिंग बन्शीसिंग यांच्याकडून बॅंक खात्यावर 15 हजार मागून घेतले, असे फिर्यादीत म्हटले आहे.

इकडे तर पहा- शिवसेनेला त्यांची जागा दाखवा-अमोल मिटकारी

तपासाला गती मिळणार का...

तसलीम शेर मोहम्मद याने साथीदारांसह कांदा दिल्ली येथे पोच न करता ट्रक (आरजे 02, जीबी 6284)मध्ये 240 गोण्या भरून त्याच्या साथीदारांनी काशिम ऊर्फ चुन्ना इम्राखान (33, रा. धौजपाल मोहल्ला, गाव धौज फरिदाबाद) व केविंद्र देशराजसिंग (रा. पाली चौधरी चौपाट, ता. जि. फरिदाबाद) यांना विक्री केला. याबाबत शाखाधिकारी संतोषसिंग बन्शीसिंग यांच्या फिर्यादीवरून जायखेडा पोलिस ठाण्यात गुन्हा दाखल केला आहे. या प्रकरणी पोलिस निरीक्षक शिवरंजन पांढरे, उपनिरीक्षक जी. डी. पाटील तपास करीत आहेत.