तळोदा ः तळोदा- अक्कलकुवा रोडवरील सतोना फाट्याजवळ सरदार सरोवर येथून येत असलेली 400 किलोवॅट क्षमतेची वीज वाहिनीचा टॉवर पडला. त्यामुळे सतोना फाटा परिसरात एकच खळबळ उडाली. सुदैवाने या हायव्होल्टेज टॉवर पडल्यानंतर कोणत्याही प्रकारची दुर्घटना घडली नाही.
गुजरात राज्यातील सरदार सरोवर येथून महाराष्ट्रात वीज वाहून आणण्यासाठी चारशे किलोवॅट क्षमतेची वीज वाहिनी टाकण्यात आली आहे. अनेक वर्षांपासून असलेली ही वीजवाहिनी परिसरात तिच्या खालून जातांना आवाज होत असल्याने कुतूहलाच्या विषय आहे. याच वहिनीचा एक टॉवर पडल्याने परिसरात चर्चेचा विषय बनली आहे. दरम्यान टॉवर शेतात असल्याने शेतकऱ्यांमध्येही घबराट पसरली आहे.
दुरूस्तीच्या कामाला सुरवात
टॉवर पडल्याने वीज वाहिनीचा इतर पोलवर ताण पडून परिणाम झाला आहे. 400 किलोवॅट एवढ्या मोठ्या प्रमाणावर वीज वाहून घेऊन जाणारे हे टॉवर पडल्याने खबरदारी घेणे आवश्‍यक आहे. दरम्यान या वीज वाहिनीचे देखरेख व दुरुस्तीचे काम स्थानिक पातळीवर होत नसल्याने हा टॉवर उभा करण्यासाठी बराच कालावधी लागण्याची शक्‍यता वर्तवली जात आहे. सरदार सरोवर येथून निघणारी ही वीज वाहिनी सरदार सरोवर, डेडियापाडा, अक्कलकुवा, तळोदा, शहादा, सारंगखेडा, दोंडाईचा मार्गे धुळे व तिथून पुढे गेली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.