मालेगाव : मुंबई-आग्रा महामार्गावरील टेहरे फाट्यावर ट्रकने-दुचाकीला धडक दिल्याने दुचाकीस्वार तरूण ठार तर पाठीमागे बसलेले दोघे तरूण जबर जखमी झाले. शुक्रवारी रात्री हा अपघात झाला.

या अपघातात जमील अहमद खुर्शीद अहमद (20, रा.नयापूरा) हा जबर जखमी झाला. त्याला खासगी रूग्णालयात दाखल करण्यात आले. तपासणीनंतर डाँक्टरांनी त्यास मयत घोषीत केले. यात मोहंमद इब्राहीम निहाल अहमद (16), अर्शद अतीक अहमद (17, दोघे रा.नयापूरा, मालेगाव) हे जखमी झाले. जखमींवर   सामान्य रूग्णालयात उपचार सुरू आहेत.  छावणी पोलिस ठाण्यात ट्रकचालकाविरूध्द (आरजे-39, जीए- 3286) गुन्हा दाखल करण्याचे काम सुरू होते.