मेहुणबारे (ता.चाळीसगाव) : घरात झोका खेळतांना दोरीचा गळफास बसून तरुणाचा मृत्यु झाल्याची घटना कळमडू (ता.चाळीसगाव) येथे आज दुपारी 4 वाजेच्या सुमारास उघडकीस आली. मृत तरूण आई वडिलांचा एकलुता एक होता. त्याच्या मृत्युने कळमडू गावा हळहळ व्यक्त होत आहे.
कळमडू (ता.चाळीसगाव) येथील चंद्रगुप्त राजेंद्र सोनवणे (वय21) हा तरूण जळगाव येथे शासकिय इंजिनिअरींग कॉेलेजमध्ये शिकत होता. सध्या लॉकडाऊनमुळे तो घरी आलेला होता. आज दुपारी चारच्या सुमारास तो घरात झोका खेळत असतांना अचानक झोक्याचा पीळ पडुन दोरीचा फास गळ्याला बसला त्यात त्याचा मृत्यु झाला. चंद्रगुप्त याची आई बाहेर गेलेली होती.घरी परल्यावर मुलगा दोरीच्या फासात अडकल्याचे दिसताच त्या माऊलीने एकच टाहो फोडला. याप्रकरणी पोलीस पाटील सुनील मोरे यांनी दिलेल्या माहीतीवरुन मेहूणबारे पोलीस ठाण्यात अकस्मात मृत्युची नोंद करण्यात आली आहे. तपास सहाय्यक पोलीस निरीक्षक सचिन बेंद्रे यांच्या मार्गदर्शनाखाली हावलदार पृथ्वीराज कुमावत करीत आहेत.
क्लिक कराः अमळनेरला कोरोना कोविड केअर सेंटर सज्ज
मयत चंद्रगुप्त सोनवणे याची घरची परिस्थिती बेताचीच होती. त्यास दोन बहिणी असून त्यांचा विवाह झालेला आहे. तर वडिल दुसऱ्यांच्या शेती कसून संसाराचा गाडा चालवत होते. चंद्रगुप्त हा जळगाव येथे शासकीय इंजिनिअरींग कॉलेजधमध्ये मेकॅनिक डिप्लोमाच्या दुसऱ्या वर्षाला होता. एकलुत्या एका मुलाच्या मृत्युने कळमडू गावात शोककळा पसरली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.