शिरपूर (जि. धुळे) : भरधाव ट्रकने दुचाकीला धडक देऊन झालेल्या अपघातात (Accident) मायलेक चिरडून ठार (Death) झाले. हा अपघात रविवारी (ता.५) दुपारी मुंबई आग्रा राष्ट्रीय महामार्गावर सावळदे (ता.शिरपूर) जवळ घडला. (mother son killed in truck accident Dhule Accident news)

मध्यप्रदेश राज्यातील कुंडीया (ता.वरला) येथील रहिवासी राला खुमाण गोथरे हे त्यांच्या कुटूंबासह उमराणा (ता. मालेगाव) येथे मजुरी करतात. रविवारी दुचाकी (एम.पी ४६, एमएस ९९९६) वर पत्नी राधा (२७) व मुलगा आदित्य यांना घेऊन ते कुंडीया येथे जाण्यासाठी निघाले. महामार्गावर धुळ्याकडे जाणाऱ्या ट्रकने (एम.पी.०७, एचबी ४६५२) ने त्यांना धडक दिली. रस्त्यावर पडलेल्या राधा व आदित्य गुथरे यांच्या शरीरावरुन ट्रक गेल्याने आदित्य जागीच ठार झाला तर धुळे येथे उपचारासाठी नेतांना राधा गुथरे यांचे निधन झाले. सावळदे येथील सचिन राजपूत व सहकाऱ्यांनी मदतकार्य केले. शहर पोलिसांनी ट्रक ताब्यात घेतला.