Dhule News : लोकसभेच्या धुळे मतदारसंघातील धुळे ग्रामीण विधानसभा मतदारसंघात पाठपुराव्याअंती १४ रस्त्यांसह अन्य कामांसाठी ६९ कोटी ५० लाखांचा निधी मंजूर झाल्याची माहिती खासदार डॉ. सुभाष भामरे यांनी दिली.

राज्य विधिमंडळाच्या नागपूर येथे सुरू असलेल्या हिवाळी अधिवेशनात चौदा कामांना निधीसह मंजुरी मिळाली. (MP Dr bhamre statement of Provision of funds of 69 crore for rural constituencies dhule news)

मंजूर निधीतून सात ते देशशिरवाडे- अजनाळे-पाडळदे-रावेर-चितोड-धुळे-बिलाडी-हिवरखेडा रस्त्यांतर्गत काही भागाचे सिमेंट - काँक्रिटीकरण, दुतर्फा फुटपाथसह सिमेंट -काँक्रिट गटार, पथदीप, चितोडजवळ लहान पूलासाठी ८ कोटी रुपये, राज्य महामार्ग २११ ते मोरदड- मोरदड तांडा- कुंझर रस्त्याच्या काही भाग मजबुतीकरणासह सुधारणांसाठी ८ कोटी.

आर्वी-शिरूड-तरवाडे-भडगाव-नगरदेवळा रस्त्याची सुधारणा करणे ८ कोटी, राज्य महामार्ग ६० ते लोणकुटे-कापडणे-न्याहळोद-जापी-निमखेडी- कुंडाणे ते राज्य महामार्ग ६० रस्ता प्रजिमा ६० चे मजबुतीकरण, डांबरीकरण व जलनिस्सारणासह सुधारणा- ८ कोटी, राज्य महामार्ग ६० लोणकुटे-कापडणे- न्याहळोद-जापी-निमखेडी-कुंडाणे ते राज्य महामार्ग ६० चे मजबुतीकरण, डांबरीकरण व जलनिस्सारणासह सुधारणा- ८ कोटी.

नंदाळे-बोरकुंड-मांडळ ते आर्वी रस्त्याचे मजबुतीकरण व डांबरीकरणसह सुधारणा- ८ कोटी, धुळे शहरातील नेहरू चौक ते वाडीभोकर रस्ता ते गोंदूर विमानतळ रस्त्यात दुभाजकासह सिमेंट-काँक्रिट रस्ता, सिमेंट-काँक्रिट गटार, फुटपाथ बांधकाम, स्टेडिअम ते वलवाडी दरम्यान दुभाजकासह चौपदीरकरण करणे ८ कोटी.

बोरकुंड ते तरवाडे रस्त्याची सुधारणा करणे २.५ कोटी जुनवणे ते हेंद्रुण रस्त्याची सुधारणा करणे २ कोटी, सिताणे ते पिंजारपाडे रस्त्याची सुधारणा करणे- एक कोटी, धाडरे-ह्यादळ रस्त्याची सुधारणा करणे- दीड कोटी, नाणे ते होरपाडे रस्त्याची सुधारणा करणे- दीड कोटी, बोरकुंड-रतनपुरा ते रवाजे शिवार रस्त्याची सुधारणा- तीन कोटी, राज्य महामार्ग २११ ते नाणे रस्त्याची सुधारणा- २ कोटी.