नाशिक : चांदवड - देवळा मार्गावर खेलदरी शिवारात परराज्यातील इसुझू कंपनीची विदेशी दारू येणार असल्याची माहिती पोलिसांना मिळाली. त्यानुसार सापळा रचून पोलिसांनी तब्बल ट्रकसह १७ लाखांचा मद्यसाठा जप्त केला आहे. राज्य उपादन शुल्क विभागाच्या कळवण उपविभागातर्फे चांदवड-देवळा मार्गावर ही कारवाई करण्यात आली.

असा आहे प्रकार

चांदवड-देवळा मार्गावर खेलदरी शिवारात परराज्यातील इसुझू कंपनीची विदेशी दारू येणार असल्याची माहिती मिळाल्यावरून विभागीय उपायुक्त अर्जुन ओहोळ, अधीक्षक मनोहर अंचुळे, उपअधीक्षक बी. एन. भुतकर निरीक्षक यांच्या मार्गदर्शनाखाली निरीक्षक रमेश शिवराम सोनवणे, महेंद्र सोनार, दत्तात्रय चौरे, मनोहर गरुड, दीपक आव्हाड, महेश सातपुते, गणेश शेवगे, अवधूत पाटील, पांडुरंग वाईकर यांच्या पथकाने सहाचाकी ट्रक (एमएच २०, डीई ०४६२) तपासला असता त्यात मध्य प्रदेशातील विदेशी दारू हस्तगत केली. त्यात, ७५० मिली रॉयल नाइट व्हिस्कीचे ११५ बॉक्स, १८० मिलीचे रॉयल सिलेक्ट व्हिस्कीचे २८ बॉक्स असा एकंदर १४३ बॉक्स दारू माल ट्रकसह जप्त केला. या प्रकरणी शिवाजी बाबूलाल चौधरी (पडावद, जि. धुळे) याला अटक करण्यात आली.  

हेही वाचा > गाई चारायला गेलेल्या प्रशांतच्या नशिबी असे दुर्दैव; घटनेनंतर गावात भयाण शांतता

हेही वाचा > धक्कादायक! सासरच्यांनीच लेकीचा घातपात करुन विहिरीत फेकल्याचा पित्याचा आरोप; परिसरात खळबळ

संपादन - किशोरी वाघ