नाशिक : देशभरातील हवामानाच्या नोंदी १९०१ पासून केल्या जातात. त्या नोंदींनुसार २०२० हे आठवे सर्वाधिक उष्ण वर्ष राहिले आहे. भारतीय हवामान विभागाने २०२० मधील हवामान बदलाचा ई-अहवाल प्रसिद्ध केला आहे. त्यात नमूद करण्यात आले आहे. 

ही दशके सर्वाधिक उष्ण दशकांपैकी...

पृष्ठभाग, तसेच हवेचे वार्षिक तापमान वर्ष २०२० मध्ये सामान्य तापमानापेक्षा अधिक होते. गेल्या वर्षी देशात जमीन आणि हवेचे तापमान सरासरी ०.२९० सेल्सिअस इतके अधिक राहिले. जागतिक पातळीवर पृष्ठभाग तापमानातील फरक २०२० मधील जानेवारी ते ऑक्टोबर या कालावधीत अधिक १.२० सेल्सिअस इतके होते. सर्वांत उष्ण हवामानाची वर्षे म्हणून नोंदविल्या गेलेल्या वर्षांपैकी बारा वर्षे ही गेल्या पंधरा वर्षांतील म्हणजे २००६ ते २०२० मधील आहेत. २००१ ते २०१० आणि २०११ ते २०२० ही दशके सर्वाधिक उष्ण दशकांपैकी आहेत. 

हेही वाचा >  डोळ्यासमोर काळ अन् गळ्याभोवती बांधलेल्या स्टोलमुळे वाचली तरुणी; अंगावर काटा आणणारी घटना

जून ते सप्टेंबरमधील पाऊस सरासरीपेक्षा अधिक

देशातील नैर्ऋत्य मोसमी हंगामातील म्हणजेच जून ते सप्टेंबरमधील पाऊस सरासरीपेक्षा अधिक होता. तो १०९ टक्के इतका राहिला. देशात गेल्या वर्षी ईशान्य मोसमी हंगामातील पावसाचे प्रमाण सर्वसाधारण राहिले. २०२० मध्ये उत्तर हिंदी महासागरात पाच वादळे तयार झाली. ही वादळा म्हणजे शक्तिशाली वादळ ‘अम्फान’, अतितीव्र चक्रीवादळ ‘निवारा’ आणि ‘गती’, तीव्र चक्रीवादळ ‘निसर्ग’ आणि चक्रीवादळ ‘बुरेवी’ हे होय. हवामानासंबंधित प्रभावी मोठ्या घटना देशात घडल्या. अतिशय मुसळधार पाऊस, पूर, दरडी कोसळणे, वादळ, विजांचे थैमान, थंडीची लहर आदींचा त्यात समावेश होता. 

हेही वाचा > मैत्रीत मोठा घात! मित्राच्याच डोक्यात घातला मोठा दगड; नशेत सांगितली धक्कादायक आपबिती