Nashik News : नगरपरिषद हद्दीत आमदार दिलीपराव बनकर यांनी शिफारस केलेल्या विविध विकासकामांना महाराष्ट्र सुवर्ण जयंती नगरोत्थान (जिल्हास्तरीय) महाआभियान व दलितेत्तर या दोन योजनेंतर्गत सुमारे तीन कोटी ६० लाख निधीची तरतूद झाली असून, नुकतीच प्रशासकीय मान्यता मिळाली आहे, अशी माहिती आमदार दिलीपराव बनकर यांनी दिली. (3 crore 60 lakh fund for development works of Ozar nashik news)

हनुमान टिळकनगरमध्ये सभामंडप, सिद्धिविनायक टाऊनशीप येथील रस्ता दुरुस्ती, शिवाजीनगरमध्ये अंतर्गत भूमिगत गटार करणे, गणेशमंदिर दहावा मैल रस्त्याची दुरुस्ती, चंद्रशेखर असोलकर ते शंकरराव जाधव घरापर्यंत रस्ता कॉंक्रिटीकरण, सप्तशृंगीनगरमध्ये अंतर्गत रस्ते कॉंक्रिटीकरण, जंजाळे मळा रस्ता सुधारणा, १६ नंबर चारी ते गवळी मळ्यापर्यंत रस्ता सुधारणा.

सायखेडा रोड ते महादेव मंदिर ते निंबाळकर वस्ती रस्ता सुधारणा, आत्मा मलिकनगर अंतर्गत रस्ते सुधारणा, धोंडीराम पगार वस्ती रस्ता सुधारणा, साईधाम येथील रस्त्यांची सुधारणा, महादेवमठ ते गाडेकर वाडी रस्ता सुधारणा, गाडेकर मळा रस्ता सुधारणा, लोहियानगर रस्ता सुधारणा, असा एकूण १५ कामांना सुमारे दोन कोटी ९० लाख रुपयांच्या निधीस प्रशासकीय मान्यता मिळाली आहे.

दलितेत्तर योजनेंतर्गत महादेवमठ मंदिर येथील रस्ता सुधारणा, आर. के. कॉलनीती रस्ता सुधारणा, महामार्ग क्रमांक तीन ते प्रसाद पार्क येथील रस्ता सुधारणा, विश्वकर्मानगरमध्ये रस्ता सुधारणा, कंजारभाट समाजसाठी स्मशानभूमी बांधणे, असा एकूण पाच कामांना सुमारे ७० लाख रुपयांच्या निधीस प्रसाकीय मान्यता देण्यात आली असल्याची माहिती आमदार दिलीपराव बनकर यांनी दिली.