ओझर (जि. नाशिक) : येथील सिद्धिविनायक नागरी सहकारी पतसंस्थेत झालेल्या ३ कोटी ३३ लाख रुपयांच्या अपहारप्रकरणी पोलिसांनी रोखपालसह पाच जणांवर गुन्हा दाखल केले आहे. यात चार जणांना अटक करण्यात आली आहे. (3 crore misappropriation in Ozar Siddhivinayak Credit Institution Four arrested Nashik Fraud Crime news)

चार वर्षांपासून संस्थेचे लेखापाल दिनेश शौचे यांनी वेळोवेळी पतसंस्थेत ३ कोटी ३३ लाख रुपयांची आपल्या अधिकाराचा गैरवापर दुसरीकडे वळविली होती. जुलै महिन्यामध्ये हा प्रकार उघड झाल्यानंतर ओझर सहकार क्षेत्रात खळबळ उडाली होती. या अपहारामुळे ठेवीदारांमध्ये घबराट झाल्याने ठेवीदारांनी आपल्या ठेवी काढण्यासाठी सुरवात केली होती. दरम्यान सिद्धिविनायक पतसंस्थेने सभासदांची सभा घेत बँकेची स्थिती भक्कम असून कोणीही घाबरून जाण्याचे कारण नसल्याचे स्पष्ट केले होते.

अखेर संस्थेचे सीए तुषार पगार यांनी ओझर पोलिस ठाण्यात पतसंस्थेत तीन कोटीहून अधिक रकमेचा अपहार झाल्याची तक्रार दाखल केल्यानंतर ओझर पोलिस यांनी रोखपाल दिनेश शौचे, वृंदा शौचे, सचिन इंगळे, प्रवीण अहिरे, महेश शेळके, प्रमोद जाधव यांच्यावर गुन्हा दाखल केला आहे. पुढील तपास पोलिस निरीक्षक अशोक राहाटे करत आहे.

चार वर्षापासून अपहार

पतसंस्थेत सुमारे चार वर्षापासून अपहार सुरु असल्याची माहिती समोर आली आहे. संशयित हा २०१८ पासून बँकेची रक्कम इतर वळवित अपहार करत होता. मात्र अपहार होत असून देखील अधिकारी यांनी काहीच का कारवाई केली नाही असा प्रश्‍न उपस्थित केला जात आहे.