Nashik News : शहर परिसरात वेगवेगळ्या घटनांमध्ये तिघांनी गळफास घेत आपली जीवनयात्रा संपविली. यात तिघेही पुरुष असून, एक अवघ्या २८ वर्षांचा आहे. याप्रकरणी संबंधित पोलिस ठाण्यांमध्ये अकस्मात मृत्यूची नोंद करण्यात आली आहे. (3 people committed suicide nashik news)

अंबड परिसरातील डीजीपीनगरमध्ये ४२ वर्षीय इसमाने राहत्या घरात गळफास घेत आत्महत्या केली. राकेश संतोष दुसाणे (४२, रा. श्रद्धा अपार्टमेंट, श्रीकृष्णनगर, डीजीपीनगर, अंबड) असे मृताचे नाव आहे. दुसाणे यांनी शनिवारी (ता. १७) रात्री साडेआठच्या सुमारास राहत्या घरात ओढणीच्या सहाय्याने गळफास लावून घेतला होता.

याप्रकरणी अंबड पोलिसांत अकस्मात मृत्यूची नोंद करण्यात आली आहे. दुसरी घटना गंगापूर शिवारातील शिवाजीनगरमध्ये घडली. किरण हिलाल आहिरे (२८, रा. प्रकाश पाटील मळा, पाझर तलावाजवळ, शिवाजीनगर) यांनी शनिवारी (ता. १७) दुपारी चारच्या सुमारास राहत्या घरातील छताच्या लोखंडी ॲगलला ओढणीने गळफास लावून घेतला.

हेही वाचा : Credit Card फसवणूक....काय घ्याल काळजी?

जिल्हा रुग्णालयात उपचारासाठी दाखल केले असता वैद्यकीय अधिकाऱ्यांनी मृत घोषित केले. याप्रकरणी गंगापूर पोलिसांत अकस्मात मृत्यूची नोंद करण्यात आली आहे. तिसरी घटना देवळाली कॅम्प परिसरातील नानेगावात घडली.

बाळू रामचंद्र भवार (४२, रा. आई भवानीनगर, नानेगाव) यांनी शनिवारी (ता. १७) सकाळी साडेदहाच्या सुमारास राहत्या घरात गळफास लावून घेतला. उपचारासाठी कॅन्टोन्मेंट रुग्णालयात दाखल केले असता वैद्यकीय अधिकाऱ्यांनी तपासून मृत घोषित केले. या प्रकरणी देवळाली कॅम्प पोलिसांत अकस्मात मृत्यूची नोंद करण्यात आली आहे.