नाशिक : बऱ्याच दिवसांनंतर जिल्ह्यातील नव्याने आढळणाऱ्या कोरोनाबाधितांच्या संख्येने पन्नासचा आकडा ओलांडला आहे. शुक्रवारी (ता.१२) जिल्ह्यात ५७ रुग्णांचे कोरोनाचे अहवाल पॉझिटिव्ह आले.
६० रुग्णांनी कोरोनावर यशस्वी मात केली. एका बाधिताच्या मृत्यूची नोंद आहे. सद्यःस्थितीत जिल्ह्यात ४५७ बाधितांवर उपचार सुरू आहेत. शुक्रवारी नाशिक ग्रामीण भागात आढळलेल्या कोरोनाबाधितांची संख्या अधिक राहिली. या क्षेत्रात ३० रुग्णांचे कोरोनाचे अहवाल पॉझिटिव्ह आले. नाशिक महापालिका क्षेत्रात २७ रुग्णांना कोरोनाची लागण झाल्याचे निदान झाले. एका बाधिताच्या मृत्यूची नोंद असून, मृत नाशिक ग्रामीण क्षेत्रातील आहे.
बऱ्याच दिवसांनंतर प्रलंबित अहवालांचा आकडा एक हजाराहून अधिक झाला आहे. सायंकाळी उशिरापर्यंत जिल्ह्यातील एक हजार १७ अहवाल प्रलंबित होते. यापैकी नाशिक ग्रामीणमधील ७९८, नाशिक शहरातील १२१, मालेगावच्या ९८ रुग्णांना अहवालाची प्रतीक्षा होती. जिल्हाभरातील रुग्णालये व गृहविलगीकरणात ५९९ रुग्ण दाखल झाले. यापैकी ५९६ रुग्ण नाशिक महापालिका क्षेत्रातील आहेत. उर्वरित तिघे रुग्ण नाशिक ग्रामीणमधील आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.