सोग्रस : चांदवड येथील मका व्यापाऱ्याची सात लाख ६४ हजार ४८८ रुपयाची फसवणूक करण्यात आली. याप्रकरणी चांदवड पोलिस ठाण्यात गुन्हा दाखल करण्यात आला आहे. (7 lakh fraud of maize trader of Chandwad Nashik Crime)

चांदवड बाजार समितीमधील भूषण वसंत हेडा (रा.गुजरात गल्ली, चांदवड) यांची श्री ट्रेडिंग नावाची मका व कांदा खरेदी विक्रीची परवानाधारक फर्म आहे.

दिंडोरीतील एका व्यापाऱ्याने श्री. हेडा यांच्याकडून ७ ते २७ फेब्रुवारी २०२२ च्या दरम्यान १५ लाख ३१ हजार रुपयांचा ७४५ क्विंटल मका खरेदी केला होता.

त्यातील सात लाख ६६ हजार रुपये हेडा यांच्या बँक खात्यात जमा केले. मात्र उर्वरित सात लाख ६४ हजार रुपये देण्यास टाळाटाळ केली. यानंतर आपली फसवणूक झाल्याचे लक्षात आल्यावर भूषण हेडा यांनी फसवणूक बाबत पोलिसात तक्रार दाखल केली.