नाशिक : नव्याने आढळणाऱ्या कोरोनाबाधितांच्या (Corona) कमी-अधिक प्रमाणात कोरोनामुक्त रुग्ण राहत आहेत. त्यामुळे जिल्ह्यातील सक्रिय कोरोनाबाधित रुग्णांची संख्या सध्या स्थिर आहे. गुरुवारी (ता. ७) जिल्ह्यात ९० रुग्णांचे कोरोनाचे अहवाल पॉझिटिव्ह आले, तर ९५ रुग्णांनी कोरोनावर यशस्वी मात केली. दोघा बाधितांच्या मृत्यूची नोंद आहे.
गुरुवारी नाशिक महापालिका क्षेत्रातील ४२, नाशिक ग्रामीणमधील ४४, मालेगाव महापालिका क्षेत्रातील एक, तर जिल्हाबाहेरील तीन रुग्णांना कोरोनाची लागण झाली. ९५ रुग्णांनी कोरोनावर यशस्वी मात केली. दोन बाधितांच्या मृत्यूची नोंद असून, यापैकी प्रत्येकी एक नाशिक शहर व नाशिक ग्रामीणमधील आहे.
सायंकाळी उशिरापर्यंत ७२८ रुग्णांना अहवालाची प्रतीक्षा होती. यापैकी नाशिक ग्रामीणमधील ३७३, नाशिक शहरातील २०७, तर मालेगावच्या १४८ रुग्णांचे अहवाल प्रलंबित होते. जिल्हाभरातील रुग्णालये व गृहविलगीकरणात ४५८ रुग्ण दाखल झाले. यापैकी ४४१ रुग्ण नाशिक महापालिका क्षेत्रातील होते. जिल्हा रुग्णालयात दहा रुग्ण दाखल झाले. त्यात नाशिक ग्रामीणचे सहा, मालेगावच्या एका रुग्णाचा समावेश होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.