नाशिक : पाच जणांनी केलेल्या मारहाणीत एका महिलेचा गर्भपात झाला. सिन्नर येथील शरद काळे, आदर्श काळे, कैलास काळे, धीरज काळे व परेश गरगाटे यांनी महिला व तिच्या पतीला मारहाण केली. या वेळी महिलेच्या पोटात मारून तिचे कपडे फाडून तिचा विनयभंग केला. या वेळी पोटात मार बसल्याने महिलेचा गर्भपात झाला. नाशिक रोड पोलिसांनी विनयभंगासह गर्भपाताला कारणीभूत म्हणून पाच जणांविरुद्ध गुन्हा दाखल केला. 

दुसऱ्या घटनेत अल्पवयीन मुलीवर अत्याचार 
मोबाईलमध्ये अश्‍लील छायाचित्रे काढून ती छायाचित्रे आईला व भावाला दाखविण्याची धमकी देऊन अल्पवयीन मुलीवर अत्याचार केले. त्यातून मुलगी गरोदर राहिल्याचा प्रकार उघडकीस आला. प्रज्वल मेश्राम (वय 21, रा. अकोट, जि. अकोला) याने पंचवटीतील अल्पवयीन मुलीच्या घरी अश्‍लील छायाचित्रे मोबाईलमध्ये काढून ती तिच्या आईला व भावाला दाखविण्याची धमकी देऊन तिच्यावर वेळोवेळी अत्याचार केले. या अत्याचारातून अल्पवयीन मुलगी गरोदर राहिली. या प्रकरणी पंचवटी पोलिसांत बाललैंगिक अत्याचार संरक्षण (पॉक्‍सो) अन्वये गुन्हा दाखल करण्यात आला. 

हेही वाचा > आईच निघाली उलट्या काळजाची..शेवटी मुलाने संतापात..​

हेही वाचा > रखडलेल्या कामांसाठी 185 कोटी - भुजबळ ​