देवळा (जि.नाशिक) : मुंबई-आग्रा महामार्गावर उमराणेजवळ सोमवारी (ता. २२) रात्री उशिरा एकच्या सुमारास ट्रक व तवेरा यांच्या भीषण अपघातात तवेरामधील दोन जण ठार, तर अन्य पाच जण जखमी झाले आहेत.अपघातात तवेरा चक्काचूर झाली आहे, 

तवेरा गाडी व ट्रकची जोरदार टक्कर 
महामार्गावर उमराणेजवळ पुठ्ठ्याने भरलेला ट्रक (एमएच ४३, ई १८०६) नाशिकच्या दिशेने जात होता. त्या वेळी पाठीमागून आलेल्या तवेरा गाडीने (एमएच १५, सीएम ८७१२) ट्रकला जोरदार धडक दिली. यात तवेरामधील भागवत सीताराम भोई (वय ४५) व महादेव प्रल्हाद मनवर (वय ४४, दोघेही रा. कल्पतरूनगर, नाशिक) हे दोघे जागीच ठार झाले. तर सुभाष सीताराम भोई (वय ४४), भारती भागवत भोई (वय ३२), वंदना कैलास भोई, कैलास सीताराम भोई, रामा सातोडे हे पाच जण जखमी आहेत.

हेही वाचा >> डॉक्टरांचे ऐकले असते तर आज 'त्यांचे' प्राण वाचले असते! परिसरात हळहळ

पोलिसांत अपघाताचा गुन्हा

या अपघातात तवेराची पुढची बाजू पूर्णत: चक्काचूर झाली आहे. देवळा पोलिसांत अपघाताचा गुन्हा दाखल झाला असून, पोलिस निरीक्षक सुहास देशमुख यांच्या मार्गदर्शनाखाली उपनिरीक्षक खंडेराव भवर, पोलिस नाईक किरण पवार, दत्ता गायकवाड, मोठाभाऊ बच्छाव, योगेश क्षीरसागर तपास करत आहेत.  हेही वाचा >> पित्याच्या सांगण्यावरून अखेर घटनेचा ११२ दिवसांनी उलगडा; धक्कादायक माहिती समोर