नाशिक : संदर्भ सेवा रुग्णालयाने महापालिकेकडे ८० लाखांच्या थकीत पाणीपट्टीचा भरणा केल्यानंतर रुग्णालयाचा पाणीपुरवठा खंडित करण्याची कारवाई थांबविण्यात आली. महापालिकेने घरपट्टी व पाणीपट्टी थकबाकी वसुलीसाठी शासकीय कार्यालयांकडे तगादा लावला आहे. (Action of reference avoided after payment Nashik News)

हेही वाचा : अंतरंगातून परमेश्वरापर्यंत भक्तिभाव थेट पोहोचवणारा वेदान्त आश्रम

शालीमार येथील संदर्भ सेवा रुग्णालयाकडे २०१८ पासून एक कोटी ९३ लाख रुपयांची पाणीपट्टी थकीत आहे. नळजोडणी खंडित करण्याची नोटीस बजावल्यानंतर दखल न घेतल्याने पूर्व विभागीय कार्यालयाच्या पथकाने नळजोडणी तोडण्याची कारवाई केली.

त्या वेळी संदर्भ रुग्णालयाने ८० लाख रुपये धनादेशाद्वारे भरण्याची तयारी दाखविली. त्यानंतर महापालिकेच्या पथकाने नळजोडणी तोडण्याची कारवाई मागे घेतली.