Nashik Latest Monsoon News esakal
नाशिक

Nashik : पूर परिस्थिती हाताळण्यास प्रशासकीय यंत्रणा सज्ज

सागर आहेर

चांदोरी (जि. नाशिक) : जिल्ह्याच्या इगतपुरी त्रंबकेश्वर परिसरात पावसाचा (Rain) जोर वाढला असून धरणांच्या (Dam) पाणीसाठ्यातदेखील मोठ्या प्रमाणात वाढ होत आहे. या पार्श्वभूमीवर जिल्ह्यातील दारणा आणि गंगापूर धरणातून पाण्याचा विसर्ग करण्यास सुरूवात झाली आहे. त्यामुळे निर्माण आपत्तीचा सामना करण्यासाठी प्रशासन सज्ज झाले आहे. (Administrative machinery ready to handle flood situation in chandori Latest Marathi Monsoon News)

दरम्यान, सद्यस्थितीत धरणांमधून पाणी सोडण्यात आल्यामुळे नदीकाठच्या ग्रामस्थांना सावधानतेचा इशारा देण्यात आला असून काही लोकांना सुरक्षित स्थळी हलविण्यात संदर्भात सूचना दिलेल्या आहे.सोमवार दि ११ जुलै रोजी दारणा तसेच गंगापूर धरणातून ५०००० हुन अधिक क्यूसेक पाण्याचा विसर्ग होत आहे. येत्या चार दिवसांमध्ये पावसाचा जोर कायम राहणार आहे.

त्यामुळे उर्वरित धरणांमधून देखील पाण्याचा विसर्ग होणार आहे. या पार्श्वभूमीवर नदीकाठच्या चांदोरी सह परिसरातील गावांना धोका निर्माण झाला आहे.चांदोरीतील वरचा कोळीवाडा,तसेच भैरवनाथ मंदिर परिसरात पुराचे पाणी येण्याची शक्यता गृहीत धरत सूचना दिल्या गेल्या आहे.या पार्श्वभूमीवर तालुका आपत्ती व्यवस्थापन विभागाने स्थानिक स्वराज्य संस्था व महसूल विभागाच्या सहकार्याने प्रतिबंधात्मक उपाययोजना केल्या आहेत.त्याचबरोबर प्रशासनाच्या वतीने चांदोरी या ठिकाणी एक बोट उपलब्ध करून दिली आहेत. बोटीचा ताबा स्थानिक आपत्ती व्यवस्थापन समितीकडे देण्यात आला आहे.त्याचबरोबर इतर आवश्यक साधने उपलब्ध करून देण्यात आले.

दरम्यान,धरणांमधून पाण्याचा विसर्ग केल्यामुळे नदीकाठची धोकादायक अथवा अतिक्रमण केलेल्या नागरिकांचे तात्पुरते स्थलांतर करण्याच्या सूचना तहसीलदारांनी दिल्या आहेत. त्याचबरोबर पाण्याचा विसर्ग वाढल्यानंतर प्रशासनाच्या वतीने संबधित ठिकाणी पोलीसांची नियुक्ती करण्यात आली आहे.

संपर्क साधने,पोहणाऱ्याचे पथक तैनात करणे,स्वयंसेवी संस्थांची मदत, जेसीबी,याचा आढावा घेण्यात आला. कठीणप्रंसगी आपदग्रस्तांच्या वाहतुकीसाठी यंत्रणा कार्यान्वित मंदिर,मंगल कार्यालय ताब्यात घेऊन पूर बाधितांची तात्पुरती व्यवस्था, पोलिसांची गस्त वाढविणे बद्दल संबंधित विभागांना सूचना देण्यात आल्या.या काळआत अन्नधान्याचा मुबलक साठा ठेवण्याच्या सूचना पुरवठा विभागाला देण्यात आल्या असल्याची माहिती निफाडचे तहसीलदार शरद घोरपडे अर्चना पठारे यांनी दिली आहे

दरम्यान सोमवार दिवसभरात जिल्हाधिकारी गंगाथरण डी,नाशिक ग्रामीण पोलीस अधीक्षक सचिन पाटील,प्रांताधिकारी अर्चना पठारे,तहसीलदार शरद घोरपडे, सायखेडा पोलीस स्टेशन चे सहायक पोलिस निरीक्षक पी वाय कादरी आदींनी चांदोरी सायखेडा परिसरास भेट दिली.

सायखेडा पूल वाहतुकीसाठी बंद

गोदाकाठ वाहतुकीच्या दृष्टीने महत्वपूर्ण असलेल्या सायखेडा चांदोरी पूल वाहतुकीसाठी बंद केला असून नागरिकांनी पर्यायी मार्गाचा अवलंब करण्याची सूचना प्रशासनाच्या वतीने देण्यात आली आहे

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

T Raja Singh Resignation : ‘’आजच्याच दिवशी बरोबर ११ वर्षांपूर्वी मी...’’ ; भाजपने राजीनामा मंजूर करताच टी.राजा भावनिक!

Pune: सूपमध्ये झुरळ सापडले; पण तक्रारीकडे हॉटेल व्यवस्थापनाचे दुर्लक्ष, नंतर महिलेनं...; पुण्यातील खळबळजनक घटना

IND vs ENG 3rd Test: KL Rahul ने झेल सोडला! शुभमन गिल अम्पायरसोबत भांडला; Umpire ने मागे ढकलले अन् म्हणाले, जा...

Hinjewadi Electric Supply : हिंजवडीतील वीजपुरवठा ७२ तासांनी पूर्वपदावर; नागरिकांकडून सुटकेचा निःश्वास

World Record Internet Speed: इंटरनेट स्पीडचा वर्ल्ड रेकॉर्ड! 10,000 पेक्षा जास्त 4K सिनेमे एका क्षणात झाले डाउनलोड, कुठे घडला हा चमत्कार?

SCROLL FOR NEXT