नाशिक / लासलगाव : खडक माळेगाव (ता. निफाड) येथील मारुती मंदिरात मूर्तीची प्राणप्रतिष्ठा होताच वानराने प्राण सोडल्याची घटना येथे घडली. तब्बल एक वर्ष या वानराने गावातच मुक्काम ठोकला होता. या वानराचा अकाली मृत्यू ग्रामस्थांना चटका लावणारा ठरला. 

असा आहे प्रकार

खडक माळेगाव येथे जुने हनुमान मंदिराचा जीर्णोधार करण्याचे काम सुरू होताच गावामध्ये पाच ते सहा वानरांचे आगमन झाले होते. कालांतराने यातील एक वानर सोडून सर्व वानरे निघून गेली होती. वेळोवेळी या वानराचे इतर जोडीदार त्यास घेऊन जाण्यासाठी येत होते. मात्र वानर मंदिर परिसर सोडण्यात तयार नव्हते. तब्बल एक वर्ष या वानराने गावातच मुक्काम ठोकला होता. शनिवारी (ता. 29) हनुमानाचे नवीन मंदिर पूर्ण होऊन कलशपूजा झाली. त्यासह मंदिरात हनुमान मूर्ती प्राणप्रतिष्ठादेखील करण्यात आली. मात्र मूर्तीची प्राणप्रतिष्ठा होताच वानर बेशुद्ध पडले असेल म्हणून ग्रामस्थांनी लागलीच वानरास निफाड येथील पशुवैद्यकीय दवाखान्यात उपचारासाठी आणले. मात्र डॉक्‍टरांनी ते मृत झाल्याचे सांगितले. दुपारी 4 वाजून 50 मिनिटांनी वर्षभर मुक्काम ठोकलेल्या वानराने प्राण सोडले. एकीकडे मंदिर झाल्याचा आनंद, तर दुसरीकडे हनुमानभक्त वानराचा मृत्यू झाला. 

हेही वाचा > फेसबुक लाईव्हद्वारे रस्ता चकाचक?...'हा' तर मनसे'चा आऊट ऑफ बॉक्‍स फंडा!

परिणामी, बुधवारी सायंकाळी महादेव मंदिर प्रांगणात या वानराचा ग्रामस्थांनी शोकाकुल वातावरणात अंत्यसंस्कार केला. परिणामी, रात्री या वानराचा महादेव मंदिरासमोरील पटांगणात अंत्यविधी करण्यात आला. तब्बल एक वर्षभर गावात राहिलेल्या या वानराचा अकाली मृत्यू ग्रामस्थांना चटका लावणारा ठरला. 

 हेही वाचा > धक्कादायक! आई - वडील रागविले म्हणून त्याने घरातून काढला पळ...अन्

गाव हनुमानभक्ताला मुकले 

जुने मंदिर पाडल्यापासून ते नवीन मंदिराचे काम होईपर्यंत हे हनुमानभक्त गावातून हलले नाही. उन्हाळा, पावसाळा, हिवाळा अशा तिन्ही ऋतूत वानर गावातच राहिले. मात्र वर्षभरानंतर वानराचा मृत्यू ग्रामस्थांना चटका लावणारा ठरला. - दत्ता रायते (माजी संचालक, ला.कृ.उ.बा.)  

हेही वाचा > घरी येणार होता छोटासा पाहुणा...पण, काळ असा आला की सगळं हिरावून नेलं...