नाशिक : कोरोना संसर्गाची दुसरी लाट ओसरत असताना प्रशासनाने तिसऱ्या लाटेचा सामना करण्याची तयारी सुरू केली आहे. पहिल्या व दुसऱ्या लाटेतील रुग्णसंख्या व मृत्यूंच्या आकडेवारीचा अहवाल तयार करताना शहरात तीन हजार ९४४ मृत्यू झाले आहेत. त्यात पंचवटी विभागात सर्वाधिक मृत्यू नोंदले गेले आहे. ६१ ते ७० वयोगटात मृत्यूचे प्रमाण अधिक असल्याची बाब समोर आली आहे.

महापालिकेतर्फे मृत्यूंच्या संख्येची आकडेवारी संकलित केली जात आहे. पहिल्या व दुसऱ्या लाटेत कोरोनामुळे मृत्युमुखी पडलेल्यांची संख्या संकलित करताना तीन हजार ९४४ मृत्यू झाल्याची आकडेवारी समोर आली आहे.

असे आहे मृत्यूचे प्रमाण

एक ते दहा वयोगट ः चार

११ ते २० ः सहा

२१ ते ३० ः ८३

३१ ते ४० ः ३४४

४१ ते ५० ः ६०२

५१ ते ६० ः ९४०

६१ ते ७० ः प्रमाण २७.७६.

७१ ते ८० ः ६५१

८१ ते ९० ः १९८

९१ ते १०० ः २१

या कारणाने झाली वाढ

महापालिका हद्दीत वैद्यकीय सुविधा चांगल्या दर्जाच्या असल्याने नाशिक ग्रामीण, धुळे, जळगाव, नगर जिल्ह्यांतील संगमनेर, कोपरगाव भागांतील कोरोनारुग्ण उपचारासाठी नाशिक महापालिका दाखल झाले होते. शासनाच्या कोरोनाविषयक नियमानुसार कोरोनामुळे मृत्युमुखी पडलेल्या रुग्णावर ज्या भागात उपचार झाले, त्याच भागात अंत्यविधी करणे बंधनकारक असल्याने शहरी भागातील आकडेवारी वाढल्याचा दावा केला जात आहे.

विभागनिहाय मृत्यूची आकडेवारी

विभाग एकूण मृत्यू

सिडको ८४०

पूर्व ६९१

नाशिक रोड ८०७

पंचवटी ९२६

सातपूर ३१२

पश्‍चिम ३६८

एकूण ३,९४४