नाशिक / सुरगाणा : दुपारी दोनच्या सुमारास पावसाचा अंदाज आल्याने पतीने बायजाबाई यांना घरी जाण्यास सांगितले. घरी परतत असताना वाटेतच विजांच्या कडकडाटासह पाऊस सुरू झाला. त्यावेळीच त्यांच्यावर काळाचा घाला आला की कुटुंबियांचा आक्रोश थांबता थांबेना..काय घडले?

पतीची आज्ञा अन् बायजाबाईंवर आलेला काळाचा घाला!

सुरगाणा तालुक्यातील आळीपाडा येथील बायजाबाई मधुकर जोपळे (वय ४७) यांच्यासमवेत शेतात भात निंदणीचे काम करीत होत्या. दुपारी दोनच्या सुमारास पावसाचा अंदाज आल्याने पतीने बायजाबाई यांना घरी जाण्यास सांगितले. घरी परतत असताना वाटेतच विजांच्या कडकडाटासह पाऊस सुरू झाल्याने त्यांच्या अंगावर वीज पडल्याने ग्रामस्थांनी बायजाबाईंना तत्काळ ग्रामीण रुग्णालयात दाखल केले. वैद्यकीय अधिकाऱ्यांनी तपासणी करून मृत घोषित केले. नैसर्गिक आपत्ती व्यवस्थापन विभागाला कळविले असून, तलाठी विनोद गांगुर्डे यांनी भेट देऊन पाहणी केली. घटनेची नैसर्गिक आपत्ती कक्षात नोंद झाली असून, वरिष्ठ कार्यालयास कळविल्याचे तहसीलदार विजय सूर्यवंशी यांनी सांगितले. या आकस्मिक घटनेमुळे परिसरात हळहळ व्यक्त होत आहे.

हेही वाचा > ह्रदयद्रावक! मोबाईल मिळेना म्हणून भितीपोटी विद्यार्थीनीची आत्महत्या; ऑनलाइन शिक्षणाचा आणखी एक बळी

नातेवाइकांना दिला धीर

तालुक्यातील आळीपाडा येथील बायजाबाई मधुकर जोपळे (वय ४७) यांच्या अंगावर वीज पडून त्या ठार झाल्याची घटना घडली. बायजाबाई यांच्यामागे पती, मुले, मुली असा परिवार आहे. प्रतापगड ग्रामपंचायतीचे सदस्य काशीनाथ दळवी, सुभाष देशमुख, रामदास दळवी आदींनी नातेवाइकांना धीर दिला.  

हेही वाचा > संतापजनक! कोरोनाबाधित महिलेचा सफाई कर्मचाऱ्याकडून विनयभंग; घटनेनंतर रुग्णालयात खळबळ

संपादन - ज्योती देवरे