नाशिक रोड : अमरावती येथून खून करून पसार झालेल्या संशयिताला नाशिक रोड पोलिसांनी अटक केली. अमरावती शहरातील फैजलपुरा पोलिस ठाण्यातील ३०२ मधील मुख्य संशयित सूरज सुभाष मारवे (२९, रा. अमरावती) हा कर्मचारी विशाल पाटील व सहकाऱ्यांना गस्त घालीत असताना रेल्वे स्टेशन परिसरात असल्याचे समजले. (Amravati murder suspect arrested at Nashik Road Nashik Crime News)

हेही वाचा : सोंगी भजनाच्या माध्यमातून शांतारामबापूंनी घडवले दत्तदर्शन...

त्यानंतर त्याची चौकशी केली असता, तो खुनातील संशयित असून गेल्या चार महिन्यापासून तो फरार होता. संशयित मारवे यास अटक करून वरिष्ठ निरीक्षक अनिल शिंदे यांनी अमरावती पोलिस स्टेशनला संपर्क साधून माहिती दिली. या कामगिरीबद्दल पोलिस आयुक्त अंकुश शिंदे, उपायुक्त चंद्रकांत खांडवी, सहाय्यक पोलिस आयुक्त डॉ. सिद्धेश्वर धुमाळ यांनी नाशिक रोड पोलिस ठाण्याचे वरिष्ठ निरीक्षक अनिल शिंदे, निरीक्षक गणेश न्हायदे, सहाय्यक निरीक्षक योगेश पाटील, उपनिरीक्षक जयेश गांगुर्डे, तसेच विशाल पाटील सहाय्यक उपनिरीक्षक अनिल शिंदे, वसंत काकड, अविनाश देवरे, मनोहर शिंदे, सोमनाथ जाधव, राकेश बोडके, केतन कोकाटे आदींचे अभिनंदन केले आहे.