नाशिक : नॅशनल टेस्टिंग एजन्‍सी (एनटीए) यांच्‍यातर्फे यूजीसी-नेट (जून) परीक्षेच्‍या तारखेत आणखी एकदा बदल केला आहे. या बदलानुसार आता यूजीसी-नेट २०२० ही परीक्षा या तारखेला घेतली जाणार आहे. वाचा सविस्तर..

वेळापत्रक व अन्‍य सविस्‍तर तपशील संकेतस्थळावर

एनटीएतर्फे जाहीर केलेल्‍या परिपत्रकानुसार संस्‍थेतर्फे आयसीएआर एक्‍झामिनेशन एआयईईए-यूजी व पीजी आणि जेआरएफ, एसआरएफ (पीएचडी) २०२०-२१ या परीक्षा बुधवार (ता. १६), गुरुवार (ता. १७), तसेच २२ आणि २३ सप्‍टेंबरला होणार आहेत. या पार्श्‍वभूमीवर यूजीसी-नेट परीक्षेच्‍या तारखेत बदल केला आहे. या बदलानुसार आता यूजीसी-नेट २०२० ही परीक्षा २४ सप्‍टेंबरला घेतली जाणार आहे. विषयनिहाय वेळापत्रक व अन्‍य सविस्‍तर तपशील संकेतस्थळावर उपलब्‍ध करून दिल्याचेही पत्रकात म्हटले आहे. प्रवेशपत्रावर आसन क्रमांक, परीक्षा केंद्र तारीख, सत्र आणि वेळ आदींबाबतची माहिती नमूद केली आहे. उमेदवारांनी प्रवेशपत्र प्राप्त करून घ्यावे, असे आवाहन केले आहे. दरम्‍यान, जूनमध्ये ही परीक्षा होणार होती; परंतु कोरोनामुळे उद्‌भवलेल्‍या परिस्‍थितीत ती स्‍थगित करण्यात आलेली होती. 

हेही वाचा > "आई गं..तुझी आठवण येतेय.."भेदरलेल्या अवस्थेत चिमुरडा एकटाच रस्त्यावर; सोशल मिडियामुळे झाला चमत्कार

हेही वाचा > सहनशक्तीचा बांध तुटला! विवाहितेने विहिरीत उडी घेत संपविली जीवनयात्रा; काय घडले?

संपादन - किशोरी वाघ