मालेगाव (जि. नाशिक) : महानगरपालिका क्षेत्रातील विविध व्यापारी संकुलातील व शहरातील संस्था, व्यापारी गाळे, दुकाने, गाळेधारकांनी दुकानांचे व संस्थाचालकांनी त्याचे फलक (पाट्या) मराठी भाषेत करण्याचा आदेश राज्य शासनाने १७ मार्च २०२२ ला अध्यादेशानुसार जाहीर केला आहे. शहरातील दुकाने, आस्थापना यांनी या निर्णयाची अंमलबजावणी करावी.

नामफलकावर मराठीत असावे. तसेच नोंदणी केलेल्या प्रत्येक आस्थापनेचा नामफलक, देवनागरी लिपीतील मराठी भाषेत असावा. असे आवाहन महानगरपालिका प्रशासनाने केले आहे. (Appeal regarding Marathi board of establishments in NMC area Nashik News)
हेही वाचा : सूर्यकुमार...भारतीय क्रिकेट मधला 'लंबी रेस का...'

आस्थापनांनी देवनागरी लिपीतील मराठी भाषेव्यतिरिक्त इतर कोणत्याही भाषेतील व लिपीतील नामफलक मराठी भाषेतील अक्षरलेखन, नामफलकावर सुरवातीलाच लिहिणे आवश्यक आहे. मराठी भाषेतील अक्षराचा टंक आकार, इतर कोणत्याही भाषेतील अक्षरांच्या टंक आकारापेक्षा लहान नसावा.

ज्या आस्थापनांमध्ये मद्य पुरविले जाते किंवा विकले जाते त्यांच्या आस्थापना नामफलकावर महान व्यक्ती, गड-किल्ल्यांची नावे लिहू नयेत. या नियमांचे पालन करावे असे आवाहन मनपा प्रशासनातर्फे करण्यात आले आहे.