नाशिक : कर्करोगाविषयक सामाजिक प्रबोधनात्मक निर्मिती केलेल्या ‘आरसा’ या सामाजिक लघुपटाची आशिया खंडातील ‘ढाका आंतरराष्ट्रीय शॉर्टफिल्म फेस्टिवल’ मध्ये निवड झाली आहे.

आशिष निनगुरकर लिखित, गणेश मोडक दिग्दर्शित कर्करोगाबद्दल जनजागृती करणाऱ्या ‘आरसा’ या लघुपटाला सर्वच फेस्टिवलमध्ये परीक्षकांची विशेष पसंती मिळाली आहे. (Arsa shining globally Selection in Dhaka International Short Film Festival nashik news)

हेही वाचा : अल्पमतातील निवाडे आणि सामान्य माणूस

‘आरसा’ ही एका मुलीची गोष्ट आहे. ‘जगात जर आरसे नसते, तर काय बिघडले असते. माणसाचे डोळेच जर स्वच्छ लखलखीत असले असते. तर त्याच्या आत त्याला डोकावता आले असते. असा संदेश या लघुपटातून देण्यात आला आहे.

राष्ट्रीय व आंतरराष्ट्रीय फिल्म फेस्टिवल गाजवून एकूण ११७ पुरस्कार मिळवले आहेत. लघुपटाचे संकलन हर्षद वैती यांचे आहे. छायांकन योगेश अंधारे यांचे असून या लघुपटात श्वेता पगार, चैत्रा भुजबळ, संकेत कश्यप, गीतांजली कांबळी, डॉ. स्मिता कासार यांनी भूमिका केल्या आहेत.

'काव्या ड्रीम मूव्हीज’ व किरण निनगुरकर यांनी या लघुपटाची निर्मिती केली आहे. लघुपटासाठी निर्मिती व्यवस्थापक म्हणून प्रतीश सोनवणे, स्वप्नील निंबाळकर, सिद्धेश दळवी, प्रदीप कडू, अभिषेक लगस, सुनील जाधव, अजित वसंत पवार यांनी काम केले. तर या लघुपटाचे सहनिर्माते अशोक कुंदप, आशा कुंदप हे आहेत.