नाशिक : बनावट कागदपत्रांच्या आधारे अनिवासी भारतीयांच्या बॅंक खात्यात बेनिफिशरी म्हणून स्वतःचे नाव लावून बॅंक खात्यात घुसखोरीचा धक्कादायक प्रकार उघडकीस आला आहे. तर झाले असे की... 

असा आहे प्रकार

नाशिक रोडला आयसीआयसीआय बॅंकेतील अनिवासी खातेदाराच्या खात्यात घुसखोरीच्या आरोपावरून नाशिकच्या दोघांवर गुन्हा दाखल करण्यात आला आहे. डॉ. जिमीनी व माधवी दवे यांचे आयसीआयसीआय बॅकेत एनआयआर सेव्हींग खाते आहे. गेल्या महिन्यात त्यांच्या खात्यात बेनिफिशरी म्हणून नाव लावून त्या खात्याचा इंटरनेट बॅकींगचा पासवर्ड बदलण्याचा प्रयत्न झाला. संतोष लक्ष्मण सांगळे (वय ३७, वरद विनायक अर्पाटमेंट जायभावे नगर पाथर्डी फाटा) किशोर गुलाबराव देसले (वय ४१, शिया रो हाउस वृंदावन नगर कामटवाडा) ललित निकम अशा तिघा संशयितांनी बॅंकेत संपर्क साधून बनावट कागदपत्र सादर करून दवे यांच्या बॅक खात्याचा पासवर्ड बदलण्यासाठी बॅकेत बनावट कागदपत्र सादर करून खात्यात ललित निकम यांचे नाव घुसविण्याचा प्रयत्न केला. 

हेही वाचा > दुर्देवी! धरणात पोहण्यासाठी गेलेल्या पोलीसासह दोन मित्रांचा बुडून मृत्यू...परिसरात खळबळ

फसवणुकीचा गुन्हा दाखल

बॅकेच्या आपल्या खात्यात पैसे काढण्यासाठी कुणीतरी ललित निकम हा बोगस बेनिफिशरी म्हणून नाव लावण्याची घुसखोरीचा हा प्रयत्न करीत असल्याचे खातेदार डॉ. दवे यांच्या लक्षात आल्याने त्यांनी तातडीने बॅंकेशी संपर्क साधून माहिती दिली. त्यानंतर आयसीआयसीआय बॅंकेतर्फे विजय विठ्ठल पवार (वय ३६) ब्रीजनगर जुना सायखेडा रोड यांच्या तक्रारीवरून उपनगर पोलिस ठण्यात तिघांविरुद्ध फसवणुकीचा गुन्हा दाखल करण्यात आला आहे. 

हेही वाचा > थरारक! बायकोच्या चारित्र्यावर होता नवऱ्याला संशय...मध्यरात्रीच केला 'असा' अंगावर काटा आणणारा प्रकार