नाशिक/वाडीव-हे : औद्योगीक वसाहतीतील फैब इंडस्ट्रीज प्रा.ली.कंपनीत कामगारांनी यूनियन स्थापन केल्याचा राग मनात धरुन कंपनी व्यवस्थापकाने सुरक्षारक्षक (बाउंसर)यांना सोबत घेत कामगारांना बेदम मारहाण केली असल्याची तक्रार वाडीव-हे पोलिसांत दाखल झाली आहे. या घटनेचा व्हिडिओ समाज माध्यमांमध्ये व्हायरल झाल्याने या घटनेचा तीव्र निषेध व्यक्त केला जात आहे.

नेमका प्रकार काय घडला?

याबाबत अधिक माहिती अशी की वाडीव-हे येथील फैब कंपनी मध्ये कामगारांना कायम करणे, किमान वेतन व इतर सवलती मिळण्यासाठी कामगारांनी सीटू संघटनेचे सभासद होत या ठिकाणी सीटू संघटनेची स्थापना केली. मात्र कामगारांनी कोणताही संप न पुकारता काम सुरुच ठेवले होते,असे असतांना कंपनी प्रशासनाने परप्रांतीय कामगारांची भर्ती सुरु केली याबाबत विचारणा करण्यासाठी गेलेल्या कामगारांना कंपनी व्यवस्थापक सचिन चाफेकर यांनी सुरक्षा रक्षकांना सोबत घेवून तीन कामगारांचा मोबाइल फेकून देत शिवगाळ करून त्यांना बेदम मारहाण केली.

हेही वाचा > गाई चारायला गेलेल्या प्रशांतच्या नशिबी असे दुर्दैव; घटनेनंतर गावात भयाण शांतता

गुन्हा दाखल 

या बाबत कामगार प्रकाश देवराम गायकर रा. मुकने याने वाडीव-हे पोलीस स्टेशनला गुन्हा दाखल केला आहे. सदर घटनेचा व्हिडिओ समाज मध्यमांमध्ये व्हायरल झाल्याने या बाबत तीव्र प्रतिक्रिया उमटल्या आहेत.सदर कंपनी व्यावस्थपकावर कड़क कारवाई करावी अशी मागणी कामगारांनी केली आहे तसेच याबाबत सीटू संघटना आणि छावा क्रांतिवीर संघटनेचे संस्थापक अध्यक्ष करण गायकर यांनीही कामगारांच्या या प्रश्नावर आवाज उठविला असून करवाई न झाल्यास रस्त्यावर उतरण्याचा इशारा देण्यात आला आहे.

हेही वाचा > धक्कादायक! सासरच्यांनीच लेकीचा घातपात करुन विहिरीत फेकल्याचा पित्याचा आरोप; परिसरात खळबळ