नाशिक : १४ दिवसांनी रुग्णांची नियमित तपासणी (रुटिंग चेकअप) स्थानिक वैद्यकीय पथकामार्फत केले जाते. ती करण्यासाठी वैद्यकीय अधिकारी यांच्या समवेत आरोग्य सेविका व आशा कर्मचारी यांचे पथक गेले असता त्या ठिकाणी त्या रुग्णाची आई कुठे आहे? अशी विचारणा केली असता संबंधित रुग्णाने त्या पथकास उडवाउडवीची उत्तरे देऊन आरडा-ओरडा केला..तसेच त्यांच्या सोबत केला धक्कादायक प्रकार..

असा घडला धक्कादायक प्रकार

कोरोना बाधित रुग्णाच्या घरी नियमित तपासणी साठी गेलेल्या वैद्यकीय पथकास मारहाण करून त्यांना कामापासून परावृत्त केल्याप्रकरणी भद्रकाली पोलिस ठाण्यात मनपाच्या वैद्यकीय अधिकाऱ्यांनी गुन्हा नोंदविला आहे. नाशिक शहरात कोरोना बाधीत व्यक्तींवर नाशिक महानगरपालिकेच्या विविध रुग्णालयांमध्ये उपचार सुरू आहेत. या रुग्णांना घरी सोडल्यानंतर त्यांच्या कुटुंबातील व रुग्णांची नियमित तपासणी (रुटिंग चेकअप) परिसरातील नियुक्त केलेल्या वैद्यकीय पथकाकडून केली जात असते. पंचशील नगर रघुकुल सोसायटी येथील ४८वर्षीय रहिवाशी दि.२३ जून २०२० रोजी पॉझिटिव्ह आलेला होता. त्याच्या बरोबर त्याच्या कुटुंबातील आई,पत्नी, मुलगी व मुलगा यांचे अहवाल देखील पॉझिटिव्ह आले होते. या सर्वांवर रुग्णालयात उपचार करून त्यांना घरी सोडण्यात आले होते.

पथकास उडवाउडवीची उत्तरे देऊन आरडा-ओरडा

त्यानंतर १४ दिवसांनी रुग्णांची नियमित तपासणी (रुटिंग चेकअप) स्थानिक वैद्यकीय पथकामार्फत केले जाते ती नियमित तपासणी (रुटिंग चेकअप) करण्यासाठी वैद्यकीय अधिकारी यांच्या समवेत आरोग्य सेविका व आशा कर्मचारी यांचे पथक गेले असता त्या ठिकाणी त्या रुग्णाची आई कुठे आहे? अशी विचारणा केली असता संबंधित रुग्णाने त्या पथकास उडवाउडवीची उत्तरे देऊन आरडा-ओरडा केला व परत परत तपासणीसाठी येऊ नका असे म्हणत जबरदस्तीने घराबाहेर काढून पथकाला शिवीगाळ करीत मारहाण करून शासकीय कामापासून परावृत्त केले.

हेही वाचा >प्रेरणादायी..! पत्नी खंबीर.. बेरोजगार व्यावसायिक पतीला दिली अशी साथ...संसाराचा केला स्वर्ग!​

भद्रकाली पोलीस ठाण्यात गुन्हा

याप्रकरणी पथकातील वैद्यकीय अधिकारी यांनी भद्रकाली पोलीस ठाण्यात गुन्हा नोंदवण्यात आला असल्याची माहिती आरोग्य वैद्यकीय अधिकारी डॉ.राजेंद्र त्र्यंबके यांनी दिली नाशिक महानगर पालिकेच्या वतीने शहरातील विविध भागात वैद्यकीय पथकामार्फत तपासणी केली जात असून ही तपासणी सर्व नागरिकांच्या आरोग्याच्या दृष्टीने महत्त्वाची असून त्या वैद्यकीय पथकास नागरिकांनी सहकार्य करावे असे आवाहन नाशिक महानगरपालिकेच्या वतीने आरोग्य वैद्यकीय अधिकारी डॉ.राजेंद्र त्र्यंबके यांनी केले आहे.

हेही वाचा > संतापजनक! "...तर गौरव आज आमच्यात असला असता.."आरोप करत नातेवाईकांनी फोडला हंबरडा..आरोग्य केंद्राची तोडफोड