नाशिक / सिडको : राणेनगरमध्ये पेटता दिवा पडल्याने कचरा व गवताला आग लागली. अग्निशमन दलाने वेळीच आगीवर नियंत्रण मिळविले. कोरोनाच्या पार्श्‍वभूमीवर पंतप्रधान नरेंद्र मोदी यांच्या आवाहनानुसार काही उत्स्फूर्त नागरिकांनी चक्क आकाशात दिवे सोडले. त्यानंतर जो काही प्रकार घडला त्याने सगळ्यांचाच संताप झाला.

असा घडला प्रकार

राणेनगर मैदानाच्या भिंतीजवळ मोठ्या प्रमाणात कचरा टाकला जातो. हवेतून आलेला पेटता दिवा पडल्याने कचऱ्याला आग लागली. ही आग पसरत असतानाच नागरिकांनी अग्निशमन दलाला कळविले. अग्निशमन दलाच्या जवानांनी तत्काळ हजर होत आगीवर नियंत्रण मिळविल्याने पुढील अनर्थ टळला.

हेही वाचा > CoronaFighters : "आधी लढा कोरोनाशी नंतरच लगिन!''...असा निर्धार 'त्यांचा' पक्का

"गो कोरोना गो, कोरोना गो

पंतप्रधान नरेंद्र मोदी यांनी केलेल्या आवाहनाला रविवारी (ता. 5) नाशिककरांनी उत्स्फूर्त साथ दिली. रात्री नऊला सहकुटुंब बाल्कनी, इमारतीच्या गच्चीवर येत दिव्यांचा लखलखाट केला. कोरोना विषाणू उच्चाटनाचा घोष या वेळी नाशिककरांनी केला. यापूर्वी टाळी व थाळी वाजविण्याच्या आवाहनालाही नाशिककरांचा चांगला प्रतिसाद मिळाला होता. यानंतर पंतप्रधान नरेंद्र मोदी यांनी रविवारी (ता. 5) रात्री नऊला दिवे, मोबाईलची टॉर्च लावत कोरोनाविरुद्धच्या लढ्यात सहभाग नोंदविण्याचे आवाहन केले होते. त्यास नाशिकमध्ये चांगला प्रतिसाद मिळाला. पण त्यात अशा काही उत्साही नागरिकांकडून केलेल्या कारनामामुळे नाकेनाऊ मात्र आले.

हेही वाचा > photos : 'सरकार मायबाप या संकटातून बाहेर काढा!'...शेतक-यांची आर्त हाक