Nashik Crime News : चिचोंडी खुर्द (ता. येवला) येथील पर्णकुटी परिसरातील अरुण तात्याराम मढवई यांच्या घरात रविवारी (ता. १५) रात्री एकच्या दरम्यान चोरट्याने प्रवेश केला व त्यांच्या आईची लोखंडी पेटी चोरून नेली.

पेटीत ४० हजार रुपयांचे दागिने व १४ हजारांची रोकड होती. (Burglary in Chichondi 55 thousand worth of property stolen nashik crime news)

एकूण ५५ हजारांचा मुद्देमाल चोरट्याने लंपास केला. सकाळी उठल्यावर अरुण मढवई यांना चोरी झाल्याचे लक्षात आले. चोरून नेलेली पेटी शेतात मिळून आली.

त्यातील वस्तू फेकून देत दागिने व पैसे चोरून नेले. येवला शहर पोलिसांनी चोरीचा तपासासाठी श्‍वानला पाचारण केले. मात्र, चोरट्याचा माग लागला नाही.

१५ दिवसांपूर्वी देखील येथील एकनाथ मढवई यांची हॉटेलचे कुलूप तोडून रोकड, तेल डबा, बिस्कीट, खारी, मिठाईची चोरी झाली होती. विहिरीवरील पंप, स्पिंकलरचे सेट चिचोंडी खुर्द परिसरात चोरी जाण्याचे प्रमाण वाढल्याने शेतकऱ्यांमध्ये भीती निर्माण झाली आहे. या चोरीचा तपास येवला शहर पोलीस ठाण्याचे श्री.बोडके करीत आहे.