नाशिक : महापालिकेच्या (NMC) नाशिक रोड येथील नवीन बिटको रुग्णालयात (New Bytco Hospital) आंतररुग्ण विभाग व ऑपरेशन थेटर चालू करण्यासाठी धुळे येथील वैद्य महाविद्यालयाकडे तपासणीसाठी देण्यात आलेल्या नमुन्यांची प्रतीक्षा आहे. नमुन्याचा अहवाल प्राप्त झाल्यानंतरच ऑपरेशन थिएटर सुरू केले जाणार आहे. (bytco hospital operation theater will start only after report nashik Latest Marathi News)

कोरोनामुळे महापालिकेच्या बिटको रुग्णालय गेल्या दोन वर्षांपासून बंद होते, मात्र आता कोरोनाची लाट मंदावल्याने बाह्यरुग्ण विभाग सुरू करण्यात आला आहे. आंतररुग्ण विभाग व ऑपरेशन थिएटरदेखील पुढील आठवड्यात सुरू केले जाणार आहे.

तांत्रिक बाबी पार पाडण्यासाठी वैद्यकीय महाविद्यालयाकडे तपासणीसाठी अहवाल पाठवले जातात. यामध्ये ऑपरेशन थेटर सुरक्षित आहे की नाही. तसेच, रुग्णालयाचे निर्जंतुकीकरण केले आहे की नाही, याबाबत तपासणी केली जाते.

त्यासंदर्भातील अहवाल धुळे येथील वैद्य महाविद्यालयाकडे पाठविण्यात आला आहे. तो अहवाल प्राप्त झाल्यानंतरच ऑपरेशन थेटर सुरू केले जाणार असल्याची माहिती महापालिकेचे वैद्य अधीक्षक डॉ. बाबासाहेब नागरगोजे यांनी दिली