नाशिक : कॉक्रीटीकरणमुक्त श्री गोदावरी नदी पात्र या कार्याचा आरंभ नाशिक स्मार्ट सिटीतील गोदा प्रोजेक्ट अंतर्गत दुतोंडया मारुतीपासून सुरू झाला. पहिल्या टप्प्यात, कॉक्रीटीकरणमुक्त गोदेचं काम दुतोंडया मारुतीपासून ते गाडगे महाराज पुलापर्यंत याप्रमाणे करण्यात येणार आहे. गोदा कॉँक्रीटमुक्त करण्याचा लढा हा थेट न्यायालयापर्यंत पोहचला अन् परिणामी महापालिकेने आता स्मार्टसिटीअंतर्गत 'प्रोजेक्ट गोदा' अभियानाद्वारे नदीपात्रातील कॉँक्रीटचे घाट फोडण्यास सुरूवात केली आहे.

१७ प्राचीन कुंडांचे पुनर्जिवन

गोदावरी नदीचा कॉँक्रीटीकरणाद्वारे आवळलेला फास तत्काळ मोकळा करावा यासाठी गोदाप्रेमी सेवा समिती, आपलं पर्यावरण, गोदावरी गटारीकरण विरोधी मंच, नमामी गोदा अशा विविध संघटनांकडून गोदा कॉँक्रीटीकरणमुक्तीचा रेटा प्रशासनाकडे लावण्यात आला. अखेर मनपा प्रशासनाने सोमवारी (ता. ८) गोदा प्रोजेक्टअंतर्गत पहिल्या टप्प्यात कामाला सुरूवातदेखील करण्यात आली. गोदावरीच्या काठाभोवती २००२ साली कॉँक्रीटीकरण मोठ्या प्रमाणात करण्यात आले. तसेच मागील कुंभमेळ्याच्या पार्श्वभूमीवरदेखील टाळकुटेश्वर पुलापासून पुढे नदीच्या डाव्या-उजव्या तटाभोवती कॉँक्रीटच्या घाटांचा विस्तार थेट लक्ष्मीनारायण पुलापासून पुढे गोदावरी-कपिला संगमापर्यंत करण्यात आला. यावेळी विविध पर्यावरणप्रेमी संघटनांनी या कॉँक्रीट घाट विस्तारीकरणाला तीव्र विरोधदेखील दर्शविला होता. 

उशिरा का होईना ठोस पाऊल उचलले

नदीकाठावरील जैवविविधता संपुष्टात आलीच मात्र घाटांची स्वच्छता राखण्यास प्रशासनाला अपयश आल्याने नदीच्या प्रदूषणात मोठी भर पडली. यामुळे नदीचे तट संवर्धन धोक्यात सापडले. यामुळे नदीप्रमींसह पर्यावरणप्रेमींमधून तीव्र संताप व्यक्त केला जात आहे. कॉँक्रीटीकरण मुक्तीचा 'श्रीगणेशा' झाल्यामुळे आता मात्र गोदावरी पुर्नर्जिवित करण्याच्या दृष्टीने महापालिकेने उशिरा का होईना ठोस पाऊल उचलले असे गोदाप्रेमी देवांग जानी यांनी सांगितले...

हेही वाचा > धगधगते वास्तव...मुख्यमंत्र्यांची घोषणा शेतकऱ्यांपर्यंत पोचली पण बॅंकांना सांगणार कोण?

या प्राचीन कुंडांना फुटणार पाझरदक्षिण गंगा म्हणून ओळखल्या जाणाऱ्या गोदावरी नदीपात्रातील कॉँक्रीटीकरण तोडण्यास सुरूवात झाल्याने आता कॉँक्रीटीकरणाखाली दाबले गेलेले प्राचीन कुंड मोकळे होणार आहे. पहिल्या टप्प्यात अनामिक, पाचकुंड, दशाश्वमेघ, रामगया, पेशवे, खंडोबा कुंड पुर्नजिवित होण्यास मदत होणार आहे. नदीपात्रात एकूण १७ प्राचीन कुंड आहेत.

हेही वाचा > जिल्ह्यात निसर्ग चक्रीवादळामुळे अनेकांचे होत्याचे नव्हते!...वाचा सविस्तर