नाशिक : गेल्या काळातील सरकारने चांगले कामं केली. प्रत्येक सरकारचे ते दायित्वच असते. भरोसा सेल सुरू करण्यावर त्यांचा भरोसा आहे. चांगली गोष्ट आहे. पण फडणवीसांना सांगा, आमच्यावरही भरोसा ठेवा, असे नाशिकचे पालकमंत्री छगन भुजबळ म्हणताच उपस्थितांमध्ये हशा पिकला. मात्र त्याचवेळी, पोलिसांचे आधुनिकीकरणासाठी केंद्र सरकारच पैसे देते; पण गेला ना परत त्याचं काय, असा सवाल उपस्थित करीत व्यासपीठावर उपस्थित असलेल्या भाजपच्या आमदार देवयानी फरांदे यांना चांगल्याच कानपिचक्‍या दिल्या.
भुजबळांच्या आमदार फरांदे यांना कानपिचक्‍या
आमदार फरांदे यांनी माजी मुख्यमंत्री देवेंद्र फडणवीस यांच्या संकल्पनेतून नागपूरमध्ये महिलांच्या सुरक्षितता आणि त्यांचे पुनर्वसन करण्याच्या उद्देशाने भरोसा सेल सुरू करण्यात आला होता. त्यानंतर मुंबई, पुण्यात हे सेल झाले. नाशिकमध्ये गेल्या दोन वर्षांपासून आपण प्रयत्नशील होता, असे सांगितले. पालकमंत्री भुजबळ यांनी आमदार फरांदे यांच्या भाषणातील फडणवीसांच्या भरोसा सेलवरून सुरवात केली. वाक्‍या वाक्‍यातून कानपिचक्‍या दिल्या. भुजबळ यांनी, सत्तेवर येणारे प्रत्येक सरकार नवनवीन उपक्रम राबविते. फडणवीसांनी भरोसा सेल राबविला. पण त्यांना सांगा आमच्यावरही भरोसा ठेवा, असे म्हणत फडणवीसांकडून होणाऱ्या महाआघाडी सरकारवरील सततच्या टीकेला प्रत्युत्तर दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.