नाशिक : कोरोना संसर्गामुळे महापालिकेच्या शाळा बंद असल्याने विद्यार्थ्यांना ऑनलाइन शिक्षण दिले जात असल्याचे शिक्षण विभागाकडून ठणकावून सांगितले जात असले तरी खरी स्थिती काय आहे ते सभापती संगीता गायकवाड यांच्या अध्यक्षतेखाली झालेल्या शिक्षण समितीच्या सभेत समोर आले आहे.

अधिकारी निरुत्तर झाले

पंधरा हजारांहून अधिक विद्यार्थ्यांना दररोज झूम कॉल, व्हॉट्सअॅपद्वारे शिक्षण दिले गेले. ज्या विद्यार्थ्यांकडे अँड्रॉइड मोबाईल नाही त्यांना स्वयंअध्ययनासाठी पाठ्यपुस्तके घरापर्यंत वितरित करण्यात आल्याचा दावा शिक्षणाधिकारी सुनीता धनगर यांचा होता. मात्र कोणत्या शाळेत ऑनलाइन शिक्षण सुरू आहे, एखाद्या विद्यार्थ्याचा मोबाईल क्रमांक द्या अशी मागणी केल्यानंतर मात्र शिक्षण विभागाच्या अधिकारी निरुत्तर झाले. त्यामुळे ऑनलाइन शिक्षणाचा दावा फोल ठरत असल्याचे स्पष्ट झाले आहे. पुढील आठवड्यात अहवाल सादर करण्याच्या सूचना सभापती संगीता गायकवाड यांनी दिल्या. 

हेही वाचा > जिल्हाधिकारी चक्क कार्यालय सोडून 'जोडप्याला' भेटतात तेव्हा..!...

२७ हजारांहून अधिक विद्यार्थ्यांना ऑनलाईन शिक्षण

सभापती गायकवाड यांच्या अध्यक्षतेखाली शिक्षण समितीची सभा पार पडली. लॉकडाउन काळात शाळा बंद असल्याने पालिकेच्या २७ हजारांहून अधिक विद्यार्थी शिक्षणापासून वंचित राहू नये यासाठी शिक्षकांनी ऑनलाइन शिक्षण प्रणालीचा अवलंब केला. पंधरा हजारांहून अधिक विद्यार्थ्यांना दररोज झूम कॉल, व्हॉट्सअॅपद्वारे शिक्षण दिले गेले. ज्या विद्यार्थ्यांकडे अँड्रॉइड मोबाईल नाही त्यांना स्वयंअध्ययनासाठी पाठ्यपुस्तके घरापर्यंत वितरित करण्यात आल्याचा दावा शिक्षणाधिकारी सुनीता धनगर यांचा होता. समितीच्या बैठकीमध्ये ऑनलाइन शिक्षणासंदर्भात माहिती विचारण्यात आल्यानंतर अशाचं प्रकारची उत्तरे त्यांनी दिली.

हेही वाचा > नाशिकच्या गुलाबी थंडीत हॅलिकॉप्टरने अचानक आमीर खानची एंट्री होते तेव्हा..!..

परंतु ज्या शाळेत ऑनलाइन शिक्षण सुरू आहे त्या शाळेचे नाव किंवा एखाद्या विद्यार्थ्यांचा मोबाईल क्रमांक देण्याची मागणी केल्यानंतर त्यांना माहिती देता आली नाही. पुढील आठवड्यात यासंदर्भात माहिती देऊ, असे उत्तर देण्यात आल्याने ऑनलाइन शिक्षणाचा दावा फोल ठरल्याची तक्रार सदस्यांनी केली. या संदर्भात सविस्तर अहवाल सादर करण्याच्या सूचना सभापती गायकवाड यांनी दिल्या. 

पटसंख्या वाढविण्याचे आव्हान 

२३ नोव्हेंबर नंतर शाळा सुरू होणार आहे. आठवी ते दहावीच्या विद्यार्थ्यांचे शैक्षणिक नुकसान होऊ नये म्हणून विद्यार्थ्यांना शाळांपर्यंत आणून पटसंख्या वाढविण्याच्या सूचना दिल्या. शाळा इमारत दुरुस्ती, मुलींचे प्रसाधन गृहाची स्वच्छता, विद्यार्थ्यांना शैक्षणिक साहित्य पुरविणे आदी सूचना देण्यात आल्या. चंद्रकांत खाडे, जगदीश पवार, सूर्यकांत लवटे, सरिता सोनवणे, शिवाजी गांगुर्डे, शाहीन मिर्झा आदी उपस्थित होते.