नाशिक - विद्यार्थ्यांना घेऊन जाणाऱ्या बसचा नाशिकमध्ये (Nashik) भीषण अपघात झाला आहे. यामध्ये २० ते २२ विद्यार्थी जखमी झाले असल्याची माहिती समोर आली आहे. शुक्रवारी सकाळी औरंगाबाद रोडवर हा अपघात झाला. ट्रकला धडकल्यानंतर बस रस्त्यावरच उलटली. अपघातात जखमी झालेल्या विद्यार्थ्यांना उपचारासाठी रुग्णालयात दाखल करण्यात आलं आहे. (Bus Accident In Nashik)

कॉलेजच्या बसचा आणि ट्रकचा अपघात झाला. कॉलेज बस सकाळी सात वाजता धामणगावकडे निघाली होती. तेव्हा बस आणि ट्रकची धडक झाली. यावेळी बस उलटल्यानं २० ते २२ विद्यार्थी जखमी झाले आहेत. जखमी झालेल्या विद्यार्थ्यांना रुग्णालयात दाखल करण्यात आलंय. तर अपघातानंतर ट्रक चालक फरार झाला आहे.