बिजोरसे (जि. नाशिक) : लॉकडाॅऊनमुळे गेल्यावर्षी मार्च महिन्यात होणारी जनगणना पार पडली नाही. कोरोनामुळे जनगणनेच्या कामातून शिक्षकांची तात्पुरती का होईना सुटका झाली असली तरी आता येणाऱ्या एप्रिल - मे महिन्यात शिक्षकांच्या डोक्यावर जनगणना कामाची टांगती तलवार आहे. 

तर शिक्षकांना तारेवरची कसरत करावी लागणार..

कोरोना महामारीत शाळा - महाविद्यालये बंद होती. ऑनलाइन प्रणीलीद्वारे शिक्षण दिले जात असले तरी आता कोरोनावरील लस उपलब्ध करुन देण्यात आली आहे. त्यामुळे कोरोनावर आळा बसण्यास आता निश्‍चितच मदत होणार आहे. राज्य सरकारने आज (ता.४) पासून आठवी ते बारावीपर्यंतचे वर्ग सुरु करण्यास परवानगी दिली आहे. याच काळात दहावी व बारावीच्या बोर्डाच्या परीक्षा होणार असून, शिक्षणमंत्र्यांनीही यंदा उशिराने म्हणजेच एप्रिल मे महिन्यात परीक्षा घेण्याचे जाहीर केले आहे. जनगणना आणि बोर्डाच्या परीक्षा एकाचवेळी आल्यास शिक्षकांना तारेवरची कसरत करावी लागेल. 
आता जनगणना कामाच्या हालचाली सुरू झाल्या असून, अद्याप केंद्र सरकारकडून सूचना आलेल्या नाहीत. २०११ मध्ये जनगणना करण्यात आली होती. त्यानंतर मार्च - २०२० मध्ये जनगणना होणार होती. पण, कोरोनामुळे ती होवू शकली नाही. परंतु, यावर्षी ती पार पडण्याची शक्यता आहे. जनगणनेच्या कामात शिक्षकांचे सुमारे पंचेचाळीस ते पन्नास दिवस जाणार असल्याचे प्रा. रवींद्र मोरे यांनी सांगितले. 

हेही वाचा> दिव्यांग पित्याचे मुलाला अभियंता बनविण्याचे डोळस स्वप्न; कॅलेन्डर विक्रीतून जमवताय पै पै, असाही संघर्ष

‘‘जनगणना हे राष्ट्रीय कर्तव्य असल्याने हे काम शिक्षकांना करावे लागणार यात कोणतीही शंका नाही. मात्र, तरीही दहावी व बारावीच्या शिक्षकांना या कामातून सूट मिळावी. तरच परिक्षा घेणे सोपे जाईल. 
- प्रा. अनिल महाजन, (सचिव, नाशिक जिल्हा कनिष्ठ महाविद्यालयीन शिक्षक संघटना) 

हेही वाचा> गॅस गिझर भडक्यात बाथरूममध्ये तरुणाचा गुदमरून मृत्यू; नववर्षाच्या पहिल्याच दिवशी पाटील कुटुंबात आक्रोश