सोग्रस (जि.नाशिक) : दोघे मोटारसायकलने लासलगावकडून चांदवडकडे येत होते. दरम्यान दुचाकीस्वाराला काय बुध्दी सुचली कोण जाणे ओव्हरटेक करण्याच्या नादात स्वत:चा जीव धोक्यात घातला. काय घडले नेमके?
ओव्हरटेक करण्याच्या नादात स्वत:चा जीव धोक्यात
सुनील पवार (वय ३२, रा. पाटे, चांदवड) आणि सौरभ रामटेके (रा. नारायण खेड, चांदवड) हे दोघे मोटारसायकल (एमएच १५, बीयू १४३०)ने लासलगावकडून चांदवडकडे येत होते. चांदवडकडून लासलगावकडे जाणाऱ्या कंटेनरचालक (एमएच ४६, बीबी १६३८) सुभाष भोसले (रा. मोही मान, सातारा)ने दिघवदजवळ ओव्हरटेक करताना समोरून त्याच दिशेने येणाऱ्या मोटारसायकलला धडक दिली. या धडकेत मोटारसायकलवरील सुनील पवार ठार झाला. सौरभ रामटेके जखमी झाला.
चांदवड पोलिसांत नोंद
चांदवड-लासलगाव रस्त्यावर दिघवद शिवारात सोमवारी (ता. १) दुपारी एकच्या सुमारास कंटेनर व मोटारसायकल यांच्यात झालेल्या अपघातात एक ठार, तर एकजण जखमी झाला. जखमीला चांदवड येथील शासकीय रुग्णालयात दाखल करण्यात आले. चांदवड पोलिसांत नोंद झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.