नाशिक : धर्मांतर प्रकरणाच्या चौकशीत उत्तर प्रदेशातील दहशतवाद प्रतिबंधक विभागाच्या कारवाईनंतर नाशिक पोलिस यंत्रणा खडबडून जागी झाली आहे. शहर पोलिसांनी सोमवारी संशयिताच्या पालकांची चौकशी केली. नेमकं प्रकरण काय?
जबरदस्तीने धर्मांतर?
उत्तर प्रदेशात जबरदस्तीने धर्मांतर प्रकरण गाजत असताना नाशिकला सिडकोत अशा प्रकारचा संशय व्यक्त होत आहे. याप्रकरणी अंबड पोलिसांकडे तशी तक्रारही आली आहे. मात्र, या प्रकरणी चौकशी सुरू आहे. पूर्ण चौकशी झालेली नसल्याने पोलिसांनी कुठलेही भाष्य केलेले नाही. चौकशी करून त्यात तथ्य आढळले तरच पोलिस कारवाई करतील. अजून चौकशी सुरू आहे, कुठलाही गुन्हा दाखल नाही, असे उच्चपदस्थ सूत्रांनी सांगितले. दरम्यान, यासंदर्भात पूर्ण चौकशी झालेली नसल्याने या संवेदनशील प्रकरणात पोलिसांनी मौन राखले आहे. पूर्ण चौकशी झाल्यानंतरच निर्णय घेतला जाईल, असे पोलिस आयुक्त दीपक पांडे यांनी स्पष्ट केले.
या प्रकरणाच्या चौकशीकडे लक्ष
पोलिस उपायुक्त विजय खरात यांनी उपनगर पोलिस ठाण्यात कुणालचे वडील अशोक चौधरी यांना बोलावून चौकशी केली. अशोक चौधरी हे लष्करातील निवृत्त जवान असून, त्यांनी मात्र उपनगरला प्रसारमध्यमांच्या प्रतिनिधीशी बोलताना त्यांच्या मुलावरील आरोप फेटाळले. मुलाचा विवाहच झाला नसल्याचे सांगत अवैध धर्मातर रॅकेटबाबत काही माहीती नसल्याचे सांगितले. नाशिक पोलिसांनी याविषयी कुठलेही अधिकृत माहीती दिली नाही. त्यामुळे या प्रकरणाच्या चौकशीकडे लक्ष लागून आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.