वडिलां चे अंत्यदर्शन घेतले मुलाने व्हिडिओ कॉन्फरसिंगद्वारे (Word Count
सिडको (नाशिक) : कोरोनाबाधित मुलाने कोरोनामुळे निधन झालेल्या वडिलांचे अंतिम दर्शन अखेर व्हिडिओ कॉन्फरन्सिंगद्वारे घेतले. ही हृदयद्रावक घटना सिडकोत घडली. हे दृश्य बघणाऱ्या नागरिकांच्या डोळ्यातही अश्रू अनावर झाले.
बापाचे अंत्यसंस्कारही नाही नशिबी
सिडकोतील राजेंद्र सूर्यवंशी यांना कोरोनाची लागण झाली आहे. त्यांच्यावर सध्या घरीच उपचार सुरू आहेत. त्यातच जळगावला राहणाऱ्या त्यांच्या वडिलांचे कोरोनामुळेच निधन झाल्याची वार्ता त्यांच्या कानावर आली. त्यांना गावी जाणेही कठीण होते. मात्र, वडिलांच्या अंत्यविधीला आपण जाऊ शकत नाही, याची खंत त्यांच्या मनात सलत होती. अखेर त्यांच्या आप्तस्वकीयांनी वडिलांचे अंत्यदर्शन व्हिडिओ कॉन्फरन्सिंगद्वारे करून देत त्यांची इच्छा पूर्ण केली. वडील व मुलाचे हे दृश्य बघणाऱ्यांच्या डोळ्यातही अश्रू अनावर झाले.
ज्या वडिलांनी आयुष्यभर कुटुंबासाठी कष्ट केले. त्या वडिलांना मी खांदा देऊ शकलो नाही, याची सल माझ्या मनात कायम राहील. मलाही कोरोनाची लागण झाल्यामुळे वडिलांच्या अंतिम दर्शनासाठी गावी जाऊ शकलो नाही. कोरोनाचे संकट काय आहे, हे ज्याला कोरोना झालेला असतो, त्यांना ते फार जवळून बघायला मिळते. अशी वेळ कोणावरही येऊ नये. सर्वांनी आपली व आपल्या कुटुंबाची काळजी घ्या. -राजेंद्र सूर्यवंशी, मुलगा, उत्तमनगर, सिडको
हेही वाचा - महिलांनो सावधान! तुमच्या फेक अकाऊंटवरून पुरुषांना ब्लॅकमेलिंग; सायबर भामट्यांचा नवा प्रकार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.