नाशिक / मालेगाव : धुळे येथे उपचार सुरू असलेल्या नयापूरा भागातील कोरोनाबाधित २२ वर्षीय तरूणीचा मृत्यू झाला आहे. मालेगाव (जि. नाशिक) येथील रहिवासी असलेल्या या तरुणीवर धुळ्यात उपचार सुरू होते. त्यावेळी तिची प्रकृती गंभीर होती. 

कोरोनाचा दुसरा बळी सुद्धा मालेगावातूनच 
सरकारी यंत्रणेने धुळे जिल्ह्यात शुक्रवारी रात्री बारापासून रविवारी पहाटे पाचपर्यंत आरोग्य सेवा वगळता पूर्णतः संचारबंदी, "लॉकडाउन'चा आदेश बजावला आहे. त्यातच शुक्रवारी सायंकाळी साडेसहापर्यंत सरकारी यंत्रणा आणि हिरे वैद्यकीय शासकीय महाविद्यालयासह जिल्हा सर्वोपचार रुग्णालय दैनंदिन कामकाजात गुंतलेले असताना दोन "कोरोना पॉझिटिव्ह' रुग्ण आढळल्याची माहिती पुढे येताच वैद्यकीय व सरकारी यंत्रणा हादरली. साक्री येथील 53 वर्षीय कोरोनाग्रस्ताचा मृत्यू झाला, तर मालेगाव येथील 22 वर्षीय तरुणीवर उपचार सुरू होते. त्यानंतर आता मालेगवाच्या २२ वर्षीय तरुणीचा मृत्यू झाला आहे.

हेही वाचा > PHOTOS : नमस्कार, मी सुप्रिया सुळे बोलते ! तुम्ही खूप चांगलं काम केलं.. तुमचं कौतुक अन् आभारही!"

मालेगावात धोक्याची घटना

आठवडाभरापूर्वी एकही कोरोना पॉझिटिव्ह व्यक्ती नसणाऱ्या नाशिक जिल्ह्यात आता संख्या १५ वर पोहचली असून इथेही धाकधूक वाढली आहे. यात ९ पॉझिटिव्ह व्यक्ती मालेगावमधल्या आहेत आणि एका व्यक्तीचा मृत्यूही झाला आहे. मालेगावात दोन दिवसात रुग्णांची संख्या वाढल्यानं आता मालेगाव कोरोनाचा हॉटस्पॉट ठरलं आहे. सलग दोन दिवशी इथे ९ कोरोना पॉझिटिव्ह लोक सापडल्याने सध्या खळबळ निर्माण झाली आहे.

हेही वाचा > #Lockdown : 'लॉकडाउन'च्या अंधारावर उमटली चार चिमुकली पावले...'ते' देवदूतासारखे धावले मदतीला!